இரு சிறுநீரகங்களும் செயலிழந்த நிலையில் சிறுநீரக மாற்று அறுவை சிகிச்சைக்காக நிதியுதவி கோரியிருந்த முன்னாள் போராளி எதிர்மன்னசிங்கம் கிரேசியனை, இலங்கைத் தமிழரசு கட்சியின் பொதுச்செயலாளர் எம்.ஏ.சுமந்திரன் நேரில் சென்று சந்தித்துள்ளார்.
இன்று நடைபெற்ற இச்சந்திப்பின்போது, அவரது சிகிச்சைக்கான அவசர தேவைகள் மற்றும் நிதி ஆதரவு தொடர்பாக ஆக்கப்பூர்வமான கலந்துரையாடல் மேற்கொள்ளப்பட்டது
அத்துடன், மருத்துவச் செலவுகளுக்காக ஒரு தொகைப் பணமும் சுமந்திரனால் அவரிடம் கையளிக்கப்பட்டது.
இதனைத் தொடர்ந்து, தனது இரண்டு சிறுநீரகங்களும் செயலிழந்த நிலையில் அவசர சத்திரசிகிச்சைக்காக நிதியுதவி கோரியுள்ள முன்னாள் நாடாளுமன்ற உறுப்பினர் எம்.கே.சிவாஜிலிங்கத்தையும் சுமந்திரன் இன்று நேரில் சென்று பார்வையிட்டுக் கலந்துரையாடினார்.
இதன்போது, சிவாஜிலிங்கத்தின் மருத்துவச் செலவுகளுக்காகவும் ஒரு தொகைப் பணத்தை அவர் நிதியுதவியாக வழங்கியுள்ளமை குறிப்பிடத்தக்கது.
