உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

 இலங்கை – இந்திய பாலம் அமைக்கும் தருணம் இது!

இலங்கை செய்திகள் 7 மாதங்கள் முன்
59 பார்வைகள்

இலங்கைக்கும் இந்தியாவுக்கும் இடையே தரைவழி இணைப்பை உருவாக்க வேண்டியதன் அவசியத்தை இந்திய உயர் ஆணையர் சந்தோஷ் ஜா மீண்டும் வலியுறுத்தியுள்ளமையோடு, இது விடயத்தில் தயக்கம் காட்டிக் கொண்டிருப்பதற்கான காலம் முடிந்துவிட்டது என்றும் கூறினார்.

கடல் வழியாகக் கொழும்புக்கும் சென்னைக்கும் இடையிலான தூரம் சுமார் 300 கிலோமீற்றர் என்றும், ஆனால் நமது இரு நாடுகளுக்கும் மிக அருகிலுள்ள இடங்களான இராமேஸ்வரத்திற்கும் தலைமன்னாருக்கும் இடையிலான தூரம் சுமார் 30 கிலோமீற்றர் மட்டுமே என்றும் அவர் குறிப்பிட்டார்.

“இருப்பினும், நேரடிச் சாலை இல்லை, ரயில் பாதை இல்லை. பெரிய அளவில் இயங்கும் படகு சேவை இல்லை, மின்சாரக் கட்டமைப்பு இணைப்பு இல்லை, குழாய்வழித் தொடர்பு இல்லை. வெளிப்படையாகச் சொல்வதானால், இது ஒரு முரண்பாடான நிலை, இரண்டு அறைகளுக்கும் பொதுவான சுவரிலேயே, அந்த இரண்டு அறைகளுக்கு இடையில் ஒரு கதவை அமைக்க முடியும் என்றபோதிலும், அருகருகே உள்ள இரண்டு அறைகளை வெளியே உள்ள ஒரு நடைபாதை வழியாக மட்டுமே இணைப்பது போல இது உள்ளது” என்றும் அவர் கூறினார்.

“பாக் ஜலசந்தியின் குறுக்கே ஒரு பாலம் அல்லது சுரங்கப்பாதை வழியாக தரைவழி இணைப்பு ஏற்படுத்துவது குறித்து பல தசாப்தங்களாக விவாதிக்கப்பட்டு வருகின்றது, உலகம் முழுவதும் இதுபோன்ற வழித்தடங்களுக்குப் போதுமான எடுத்துக்காட்டுகள் உள்ளன, அதன் பொறியியல் நன்கு அறியப்பட்டுள்ளது. அதன் பொருளாதாரம் கவர்ச்சிகரமானது.

இது போன்ற பாலங்கள் எங்கு கட்டப்பட்டிருந்தாலும், அதன் நன்மைகள் மறுக்க முடியாதவை. ஆனால் நாம் தொடர்ந்து தயங்குகின்றோம். ஆனால் நான் தெளிவாகச் சொல்கின்றேன், தயக்கம் காட்டிக் கொண்டிருப்பதற்கான காலம் முடிந்துவிட்டது. இந்தியாவுக்கும் இலங்கைக்கும் இடையிலான ஒரு நிரந்தர இணைப்பு, இந்தப் பிராந்தியம் முழுவதின் பொருளாதாரப் புவியியலையும் மாற்றியமைக்கும்.

எந்தவொரு துறைமுக விரிவாக்கமோ அல்லது விமான நிலைய மேம்பாடோ தனியாக அடைய முடியாத வகையில், இலங்கையை அது விரும்பும் ஒரு மையமாக இந்த ஒழுங்கு மாற்றும்” என்றும் அவர் தெரிவித்தார். கொழும்பில் நடைபெற்ற உலகளாவிய புத்தாக்கம் மற்றும் தலைமைத்துவ மாநாட்டில் அவர் இந்தக் கருத்துக்களைத் தெரிவித்தார்.

“இன்று இந்தியா இலங்கையின் மிகப்பெரிய வர்த்தகப் பங்காளியாக விளங்குகின்றது. டித்வா போன்ற இயற்கை சீற்றங்கள் அல்லது மேற்கு ஆசியாவில் ஏற்படும் மோதல்கள் போன்ற சவால்கள் இருந்தபோதிலும், இலங்கைக்கு வருகை தரும் சுற்றுலாப் பயணிகளின் முதன்மை ஆதாரமாக இந்தியா விளங்குகின்றது.

மேலும், இந்த நாட்டுக்கான  வெளிநாட்டு நேரடி முதலீடுகளின் மிகப்பெரிய ஆதாரங்களில் இந்தியாவும் ஒன்றாகும். கடந்த ஆண்டு, மூன்றாம் நாடுகளிலிருந்து வரும் முதலீடுகள் உட்பட, இலங்கையில் செய்யப்பட்ட இந்திய முதலீடுகள் மொத்த முதலீட்டில் 50 வீதத்தைத் தாண்டியது.

இந்திய நிறுவனங்கள் தொலைத்தொடர்பு, எரிசக்தி, டிஜிட்டல் மயமாக்கல், நிதிச் சேவைகள், போக்குவரத்து மற்றும் உள்கட்டமைப்பு ஆகியவற்றில் முதலீடு செய்துள்ளன” என்றும் அவர் மேலும் கூறினார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

152 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

143 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

135 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

134 0 0