தனியார் மற்றும் வர்த்தக வாகனங்கள் உள்ளிட்டவற்றின் இறக்குமதி மார்ச் மாதத்தில் இலங்கையில் 195 மில்லியன் அமெரிக்க டொலர் அளவிற்கு இடம்பெற்றுள்ளதாக இலங்கை மத்திய வங்கி தெரிவித்துள்ளது.அதன்படி, 2026ஆம் ஆண்டின் முதல் காலாண்டில் மட்டும் மொத்தமாக 613 மில்லியன் அமெரிக்க டொலர் மதிப்பிலான வாகனங்கள் நாட்டிற்கு இறக்குமதி செய்யப்பட்டுள்ளன.
இது கடந்த ஆண்டின் முதல் காலாண்டுடன் ஒப்பிடுகையில் சுமார் 900 சதவீதம் அதிகரிப்பாகும் எனவும் தெரிவிக்கப்பட்டுள்ளது.
வாகன இறக்குமதி கட்டுப்பாடுகள் தளர்த்தப்பட்டதைத் தொடர்ந்து, கடந்த ஆண்டு ஏப்ரல் மாதத்திலிருந்து இறக்குமதி படிப்படியாக அதிகரித்தது.
இதன் விளைவாக, கடந்த ஆண்டின் இறுதியில் மொத்த வாகன இறக்குமதி செலவினம் 2.047 பில்லியன் அமெரிக்க டொலராக உயர்ந்துள்ளது.இதேவேளை, கடந்த ஆண்டு முதல்காலாண்டில் வாகன இறக்குமதி செலவினம் வெறும் 61 மில்லியன் அமெரிக்க டொலராக இருந்தது குறிப்பிடத்தக்கது.
கட்டுப்பாடுகள் தளர்த்தப்பட்ட பின்னர் கடந்த ஆண்டில் மட்டும் இரண்டு இலட்சத்திற்கும் மேற்பட்ட வாகனங்கள் இலங்கைக்கு இறக்குமதி செய்யப்பட்டுள்ளதாகவும் மத்திய வங்கி தகவல்கள் தெரிவிக்கின்றன.
