உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

இலங்கையை மனிதாபிமானத்தின் உலகத் தீவாக மாற்றியே தீருவோம்.!

இலங்கை செய்திகள் 7 மாதங்கள் முன்
120 பார்வைகள்

உலகுக்கு அமைதியின் செய்தியைப் பறைசாற்றும் நோக்கில் வியட்நாம் தேரர் உள்ளிட்ட வெளிநாட்டுப் பிக்குகள் முன்னெடுத்த ‘எஹிபஸ்ஸிகோ’ அமைதி நடைபயணத்தின் அரச நிறைவு விழா, ஜனாதிபதி அநுரகுமார திஸாநாயக்கவின் பங்கேற்புடன் நேற்று திங்கட்கிழமை பிற்பகல் கொழும்பு சுதந்திர சதுக்கத்தில் நடைபெற்றது.

வியட்நாமின் வண. பஞ்ஞாகர தேரர் தலைமையிலான 12 வெளிநாட்டுத் தேரர்கள், கடந்த 22 ஆம் திகதி தம்புள்ளையில் இந்தப் பயணத்தை ஆரம்பித்தனர். 7 நாட்களில் 210 கிலோமீற்றருக்கும் அதிகமான தூரத்தைக் கடந்து நேற்று கொழும்பை வந்தடைந்த இக்குழுவினருக்கு உற்சாக வரவேற்பு அளிக்கப்பட்டது.

இந்த வரலாற்று நிகழ்வின் முத்தாய்ப்பாக, புனித தந்ததாதுவின் பிரதி மற்றும் ஜய ஸ்ரீ மகா போதியின் கன்று என்பவற்றை ஜனாதிபதி அநுரகுமார திஸாநாயக்க, வண. பஞ்ஞாகர தேரரிடம் உத்தியோகபூர்வமாகக் கையளித்தார். அமெரிக்காவில் பௌத்த தர்மத்தைப் பரப்புவதற்கான அடையாளமாக இவை கொண்டு செல்லப்படவுள்ளன.

நிகழ்வில் உரையாற்றிய ஜனாதிபதி,
“செல்வம் அல்லது இயந்திரத் தொழில்நுட்பத்தில் நாம் முதலிடம் பிடிக்க முடியாவிட்டாலும், மனிதாபிமானத்தில் உலகிலேயே முதன்மையான தீவாக இலங்கையை மாற்ற முடியும். அதற்கான அறநெறிப் பண்புகளை மக்களிடம் கொண்டு சேர்ப்பதில் மதத் தலைவர்களுக்குப் பாரிய பங்கு உள்ளது.

வரலாறு உணர்த்தும் உண்மை என்னவென்றால், நாட்டில் எப்போதெல்லாம் மத மற்றும் அறநெறி எழுச்சி ஏற்படுகின்றதோ, அப்போதெல்லாம் பொருளாதாரமும் செழிப்படைந்துள்ளது. இன்று நிலவும் நம்பிக்கையீனங்களைப் போக்கி, தர்மத்தின் சாரத்தைப் பாதுகாக்க அரசு முழு ஒத்துழைப்பு வழங்கும்.

நீண்டகாலப் போரினால் பேரழிவைச் சந்தித்த நாடு என்ற ரீதியில் அமைதியின் பெறுமதியை நாம் அறிவோம். சட்டத்தினால் மாத்திரம் அமைதியை நிலைநாட்டிவிட முடியாது; மக்களின் மனமாற்றமும் அறநெறிப் பண்புகளுமே நிலையான அமைதிக்கு வழிவகுக்கும்.” – என்று தெரிவித்தார்.

வண. பஞ்ஞாகர தேரர் உரையாற்றுகையில்,
“அமைதி என்பது வெளியில் இருந்து வருவதல்ல, அது உள்ளிருந்து உருவாக வேண்டியது. இலங்கை மக்கள் காட்டிய அன்பும் மரியாதையும் இந்தத் தேசத்தின் உண்மையான வலிமையை எனக்கு உணர்த்தியது.” – என்றார்.

வண. மெல்பிட்டியே விமலக்கித்தி தேரர் உரையாற்றுகையில்,
“எதிர்காலத்தில் அமெரிக்காவில் பௌத்த மதம் பற்றிப் பேசப்படும்போது, இலங்கையிலிருந்து கொண்டு வரப்பட்ட இந்தப் போதிக்கன்று மற்றும் புனித தாது தொடர்பான நிகழ்வு ஒரு வரலாற்றுத் தருணமாக நினைவுகூரப்படும்.” – என்றார்.

இந்நிகழ்வில் மகா சங்கத்தினர், அமைச்சர்களான கலாநிதி ஹினிதும சுனில் செனவி, ஏ.எச்.எம்.எச். அபயரத்ன, வைத்தியர் நளிந்த ஜயதிஸ்ஸ, மேல் மாகாண ஆளுநர் ஹனீப் யூசுப், பாதுகாப்புப் படைப் பிரதானிகள் மற்றும் ஆயிரக்கணக்கான பொதுமக்கள் கலந்துகொண்டனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

148 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

137 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

131 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

130 0 0