உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

வத்திராயன் கிராம அபிவிருத்தி சங்க நிர்வாக தெரிவில் இழுபறி: பிரதேச செயலகம் முன்பாக மக்கள் ஆர்ப்பாட்டம்..!

இலங்கை செய்திகள் 7 மாதங்கள் முன்
120 பார்வைகள்

யாழ்ப்பாணம் வடமராட்சி கிழக்கு பிரதேச செயலகத்திற்கு முன்பாக, வத்திராயன் கிராம அபிவிருத்தி சங்க உறுப்பினர்களால் இன்று காலை கவனயீர்ப்பு ஆர்ப்பாட்டம் ஒன்று முன்னெடுக்கப்பட்டது.

கடந்த 2024-ஆம் ஆண்டு நடைபெற்ற கிராம அபிவிருத்தி சங்க நிர்வாக தெரிவின் போது, சந்தா பணம் செலுத்துவது தொடர்பாக உறுப்பினர்களிடையே முரண்பாடுகள் ஏற்பட்டிருந்தன.

இதனைத் தவிர்க்கும் பொருட்டு, 2026-ஆம் ஆண்டுக்கான புதிய நிர்வாக தெரிவை மிகவும் முறைப்படி நடாத்தத் தீர்மானிக்கப்பட்டது.

இதற்காக, கடந்த ஜனவரி 15 முதல் பிப்ரவரி 15 வரை புதிய உறுப்பினர்கள் இணைவதற்கான கால அவகாசம் வழங்கப்பட்டு, பகிரங்க அறிவித்தல் விடுக்கப்பட்டது.

இந்த அறிவித்தலின் அடிப்படையில், 93 புதிய உறுப்பினர்கள் உரிய சந்தா பணத்தைச் செலுத்தி வத்திராயன் கிராம அபிவிருத்தி சங்கத்தில் தங்களை இணைத்துக்கொண்டனர்.

இதனைத் தொடர்ந்து, புதிய நிர்வாகத்தைத் தெரிவு செய்வதற்கான கூட்டம் மார்ச் 06-ஆம் திகதி நடைபெறும் என கிராம அபிவிருத்தி உத்தியோகத்தர் மூலம் உத்தியோகப்பூர்வமாக அறிவிக்கப்பட்டது.

நிர்வாக தெரிவு குறித்த அறிவிப்பு வெளியான சில மணிநேரத்திலேயே, கிராம அபிவிருத்தி உத்தியோகத்தர் தொலைபேசி வாயிலாக மற்றுமொரு அறிவிப்பை வழங்கினார்.

சங்க யாப்பின்படி, புதிய உறுப்பினர்கள் இணைந்து மூன்று மாதங்கள் கடந்த பின்னரே நிர்வாக தெரிவு இடம்பெற முடியும் என அவர் சுட்டிக்காட்டினார்.

அதேவேளை, மேலும் 42 பேர் புதிதாகச் சந்தா பணம் செலுத்தி சங்கத்தில் இணையத் தயாராக இருப்பதாகத் தெரிவித்த போதிலும், ஏற்கனவே அறிவிக்கப்பட்ட கால அவகாசம் முடிவடைந்துவிட்டதால் அவர்களை இணைக்க முடியாது என தற்போதைய நிர்வாக உறுப்பினர்கள் திட்டவட்டமாகத் தெரிவித்தனர்.

முறையான அறிவித்தல் வழங்கப்பட்டு, உறுப்பினர்கள் இணைக்கப்பட்ட பின்னரும் நிர்வாக தெரிவைத் தாமதப்படுத்துவது சங்கத்தின் செயல்பாடுகளைப் பாதிக்கும் என ஆர்ப்பாட்டத்தில் ஈடுபட்டவர்கள் தெரிவித்தனர்.

திட்டமிட்டபடி ஜனநாயக ரீதியில் புதிய நிர்வாகத்தைத் தெரிவு செய்ய அதிகாரிகள் ஆவன செய்ய வேண்டும் என்பதே இவர்களின் பிரதான கோரிக்கையாக இருந்தது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

நிந்தவூர் கடலில் காணாமல் போன இளைஞர்கள் இருவரையும் தேடும் பணிகள் தீவிரம்!

அம்பாறை மாவட்டம், நிந்தவூர் கடற்கரையில் இன்று (20) மதியம் கடலில் நீராடச் சென்றவர்களில் திடீரென அலையில் இழுத்துச் செல்லப்பட்டவர்களுள் ஒருவர் உயிருடன் மீட்கப்பட்டு அம்பாறை பொது வைத்தியசாலையின்…

156 0 0
இலங்கை செய்திகள்

மோட்டார் சைக்கிளும் லொறியும் மோதி கோர விபத்து: 23 வயது இளைஞன் உயி@ரிழப்பு

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் இன்று (20) வெள்ளிக்கிழமை மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

143 0 0
இலங்கை செய்திகள்

மூச்சுத் திணறல் காரணமாக 36 மாணவர்கள் வைத்தியசாலையில் அனுமதி!

மூச்சுத் திணறல் காரணமாக மஸ்கெலியா புனித ஜோசப் தேசிய பாடசாலையின் 36 மாணவர்கள் இன்று (20) மஸ்கெலியா பிரதேச வைத்தியசாலையில் அனுமதிக்கப்பட்டுள்ளனர். இன்று (20) காலை 8.45…

136 0 0
இலங்கை செய்திகள்

யாழில். திறந்தவெளியில் குப்பை எரிப்பு – நீதிமன்றில் விரிவான அறிக்கை சமர்ப்பிக்கப்படும் என அறிவிப்பு

யாழ்ப்பாணம் மாநகர சபை அதிகார எல்லைக்குள் திறந்தவெளியில் குப்பைகள் எரிக்கப்படுவது தொடர்பிலான விரிவான அறிக்கையொன்றை எதிர்வரும் காலத்தில் நீதிமன்றத்தில் சமர்ப்பிக்கவுள்ளதாக, அந்நகர சபையின் சார்பில் ஆஜரான சட்டத்தரணி…

143 0 0