இலங்கை வெளிவிவகார அமைச்சர் விஜித ஹேரத் அடுத்த மாதம் ரஷ்யாவுக்குப் பயணம் மேற்கொள்ளவுள்ளதாக இராஜதந்திர வட்டாரங்கள் தெரிவிக்கின்றன.எரிபொருள், நிலக்கரி மற்றும் உரம் உள்ளிட்ட அவசியப் பொருட்களைப் பெற்றுக்கொள்வது தொடர்பான பேச்சுவார்த்தைகளுக்காகவே இந்தப் பயணம் மேற்கொள்ளப்படவுள்ளது.
இதற்குமுன் ரஷ்யாவின் பிரதி வெளியுறவு அமைச்சர் அன்ட்ரே ருடென்கோ மற்றும் பிரதி எரிசக்தி அமைச்சர் ரோமன் மார்ஷவின் ஆகியோர் கடந்த வாரம் கொழும்புக்கு விஜயம் செய்து, ஜனாதிபதி உள்ளிட்ட உயர்மட்ட அதிகாரிகளுடன் கலந்துரையாடல்கள் நடத்தினர்.
அந்தச் சந்திப்புகளின் தொடர்ச்சியாகவே விஜித ஹேரத்தின் இந்த ரஷ்யப் பயணம் ஏற்பாடு செய்யப்பட்டுள்ளதாக தகவல்கள் தெரிவிக்கின்றன.மேலும், ரஷ்யாவில் இருந்து எரிபொருள் கொள்வனவு செய்வதற்கான தடைகளை அமெரிக்கா தளர்த்தியுள்ளதும் இந்தப் பேச்சுவார்த்தைகளுக்குசாதகமான சூழ்நிலையாகக் கருதப்படுகிறது.
