அஸ்வெசும நலன்புரித் திட்டத்தின் இரண்டாம் கட்டத்திற்குத் தகுதி பெற்ற பயனாளிகளின் பெயர்ப் பட்டியல் இன்று (27) வெளியிடப்பட்டுள்ளதாக நலன்புரி நன்மைகள் சபை அறிவித்துள்ளது.இந்தப் பட்டியல்கள் நாடு முழுவதும் உள்ள அனைத்து பிரதேச செயலகங்களிலும் காட்சிப்படுத்தப்பட்டுள்ளன.
பட்டியலில் இடம்பெற்றுள்ள பெயர்கள் தொடர்பாக மேன்முறையீடுகள் அல்லது ஆட்சேபனைகள் இருப்பின், அவற்றை இணையவழி அல்லது விண்ணப்பப் படிவங்கள் மூலம் சமர்ப்பிக்கலாம் என தெரிவிக்கப்பட்டுள்ளது.மேன்முறையீடுகள் மற்றும் ஆட்சேபனைகளை சமர்ப்பிக்கும் இறுதி திகதி 2026 ஏப்ரல் 10 ஆகும். ஒருவருக்கு ஒரு மேன்முறையீட்டை மட்டுமே சமர்ப்பிக்க அனுமதி வழங்கப்பட்டுள்ளது.
மேலும், தகுதியற்றவர்கள் பட்டியலில் இடம்பெற்றுள்ளதாக உறுதி செய்யப்பட்டால், பொதுமக்கள் அத்தகையவர்களுக்கு எதிராக ஆட்சேபனை தெரிவிக்கலாம் என்றும், அவை அநாமதேயமாகவும் சமர்ப்பிக்கமுடியும் என்றும் அறிவிக்கப்பட்டுள்ளது.
மேலதிக தகவல்களுக்கு சம்பந்தப்பட்ட பிரதேச செயலகம் அல்லது கிராம உத்தியோகத்தரை தொடர்பு கொள்ளுமாறு பொதுமக்களிடம் கேட்டுக்கொள்ளப்பட்டுள்ளது.
