நுவரெலியா – ஹோட்டன் சமவெளி ‘உலக முடிவு’ சுற்றுலாத் தளத்தில் இருந்து தவறி விழுந்த 23 வயதான பல்கலைக்கழக மாணவி ஒருவர் பாதுகாப்பாக மீட்கப்பட்டுள்ளார். கொழும்பு பல்கலைக்கழக மருத்துவ பீடத்தைச் சேர்ந்த இவர், இன்று (19) காலை செல்பி எடுக்க முயன்றபோது சுமார் 50 அடி உயரம் கொண்ட பாறையிலிருந்து கீழே விழுந்து, ஒரு மரக் கிளையில் தொங்கிய நிலையில் இருந்தார்.
பல மணிநேர தேடுதலின் பின்னர், ஹோட்டன் சமவெளி தேசிய வனப் பூங்காவைச் சேர்ந்த சாரதி ஒருவர் முதலில் அவளை கவனித்து, ஆபத்தைப் பொருட்படுத்தாமல் கீழிறங்கி, மாணவியை பாதுகாப்பான இடத்திற்கு கொண்டு வந்தார்.
பின்னர் பொலிஸார், இராணுவம், சிறப்பு அதிரடிப்படை மற்றும் வனவிலங்கு பாதுகாப்பு அதிகாரிகள் இணைந்து நடத்திய மீட்பு நடவடிக்கையால் மாணவி பாதுகாப்பாக மீட்கப்பட்டார்.மீட்கப்பட்ட மாணவி மேலதிக சிகிச்சைக்காக நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளார்.
