ஈரானின் முக்கிய உள்நாட்டு விமான நிலையமாகக் கருதப்படும் மெஹ்ராபாத் (Mehrabad) விமான நிலையத்தில் இன்று (07) அதிகாலை பாரிய வெடிப்புச் சம்பவம் நடைபெற்றது என்று பிபிசி செய்திச் சேவை தகவல் தெரிவித்துள்ளது.சம்பவ நேரத்தில் விமான நிலையத்தில் பல விமானங்கள் நிறுத்தப்பட்டிருந்ததையொட்டி, வெடிப்பின் தாக்கம் பரபரப்பாக இருந்ததாகக் கூறப்படுகிறது. தாக்குதலால் பெரும் புகைமூட்டம் கிளம்பி, அந்த சம்பவம் தொடர்பான பல வீடியோ காட்சிகள் வெளியாகியுள்ளன.
ஈரானிய ஊடகங்கள், விமான நிலையத்தின் பல பகுதிகள் எதிரிகளின் இலக்காகியுள்ளதாகவும், அதனால் விமான இயக்கங்கள் பாதிக்கப்பட்டுள்ளதாகவும் தெரிவித்துள்ளன.
இதற்கு முன்பு, மார்ச் 4-ஆம் திகதியும் இஸ்ரேல் மெஹ்ராபாத் விமான நிலையத்தை இலக்கு வைத்துப் தாக்குதல் நடத்தி, ஹெலிகொப்டர் உற்பத்திப் பிரிவுகளும் பல கட்டமைப்புகளும் அழிக்கப்பட்டதாக தகவல்கள் வந்தன.
இன்றைய தாக்குதலில் விமான நிலையத்தின் எந்த இடங்கள் நேரடி இலக்காகியுள்ளன என்பது குறித்து இன்னும் அதிகாரப்பூர்வ தகவல்கள் வெளியாகவில்லை.
