சீனாவுக்காக உளவு பார்த்ததாக சந்தேகத்தின் பேரில் தனது கணவர் கைது செய்யப்பட்டதைத் தொடர்ந்து, தொழிலாளர் கட்சி சட்டமன்ற உறுப்பினர் ஜோனி ரீட் கட்சியில் இருந்து இடைநீக்கம் செய்யப்பட்டுள்ளார்.இது தொடர்பாக அறிக்கை வெளியிட்ட ஜோனி ரீட், தனது கணவர் மீது நடைபெறும் விசாரணைகள் முடியும் வரை தாமாகவே முன்வந்து பதவியிலிருந்து விலகியதாக தெரிவித்தார்.
உள் விசாரணைகள் நிறைவடையும் வரை தொழிலாளர் கட்சியின் நாடாளுமன்ற உறுப்பினராக செயல்படமாட்டேன் என்றும் அவர் குறிப்பிட்டார்.இதேவேளை, இந்த விவகாரத்தில் நடைபெறும் கட்சியின் விசாரணைக்கு முழுமையாக ஒத்துழைப்பதாக அவர் உறுதியளித்துள்ளார் என்று கட்சியின் செய்தித் தொடர்பாளர் ஒருவர் தெரிவித்தார்.
ஜோனி ரீட்டின் கணவர் டேவிட் டெய்லர், சீனாவின் வெளிநாட்டு உளவுத்துறைக்கு உதவியதாக சந்தேகத்தின் பேரில் கடந்த புதன்கிழமை லண்டன் மற்றும் வேல்ஸ் பகுதிகளில் கைது செய்யப்பட்ட மூவரில் ஒருவராக உள்ளார்.கைது செய்யப்பட்ட மற்றவர்களின் விபரங்கள் வழக்கமான காவல்துறை நடைமுறையின்படி வெளியிடப்படவில்லை.
