மத்திய கிழக்கு மோதல்கள் விரிவடைந்துள்ள நிலையில், ஈராக்கில் உள்ள ஈரானிய குர்திஷ் படைகள் ஈரானுக்கு எதிராக தாக்குதல் நடத்த அமெரிக்க ஜனாதிபதி டொனால்ட் ட்ரம்ப் ஊக்குவித்ததாக தகவல்கள் தெரிவிக்கின்றன.அதேவேளை, அசர்பைஜான் மீது ஈரானிய ஏவுகணை தாக்குதல் இடம்பெற்றால் பதிலடி கொடுக்கப்படும் என அந்நாட்டு அரசு எச்சரித்துள்ளது.
வளைகுடா நகரங்கள் மீண்டும் குண்டுவீச்சுக்கு உள்ளானதைத் தொடர்ந்து, தெஹ்ரானில் உள்ள உள்கட்டமைப்பு இலக்குகளுக்கு எதிராக பரந்த அளவிலான தாக்குதல்களை ஆரம்பித்துள்ளதாக இஸ்ரேல் அறிவித்துள்ளது.ஏழு நாள் போரில் ஈரான், இஸ்ரேல், வளைகுடா நாடுகள், சைப்ரஸ், துருக்கி மற்றும் அசர்பைஜான் ஆகியவற்றை குறிவைத்து தாக்குதல் நடத்தியுள்ளதாக கூறப்படுகிறது.
இலங்கைக்கு அருகில் அமெரிக்க நீர்மூழ்கிக் கப்பல் ஈரானியகடற்படை கப்பலை மூழ்கடித்ததையடுத்து, மோதல் இந்தியப் பெருங்கடல் பகுதிவரை பரவியதாக தெரிவிக்கப்படுகிறது.இதற்கிடையில், ஈராக்கிய குர்திஸ்தானில் ஈரானிய எதிர்ப்பு முகாம்கள் மீது ட்ரோன் தாக்குதல்கள் நடத்தப்பட்டுள்ளன. ஈரானிய குர்திஷ் போராளிகள் அமெரிக்காவுடன் ஆலோசனை நடத்தியதாகவும் தகவல்கள் வெளியாகியுள்ளன.
ஈரான் உச்ச தலைவர் கொல்லப்பட்டதைத் தொடர்ந்து, நாட்டின் அடுத்த தலைவரைத் தேர்ந்தெடுப்பதில் அமெரிக்காவுக்கு பங்கு இருக்க வேண்டும் என ட்ரம்ப் கருத்து தெரிவித்ததாகவும் செய்திகள் கூறுகின்றன. ஆனால், ஈரானில் அமெரிக்கா தனது இராணுவ நோக்கங்களை விரிவுபடுத்தவில்லை என அமெரிக்க பாதுகாப்பு அமைச்சர் தெரிவித்தார்.மோதல் காரணமாக உலகளாவிய எண்ணெய் மற்றும் எரிவாயு விநியோகம் பாதிக்கப்பட்டுள்ள நிலையில், வால் ஸ்ட்ரீட் பங்குகள் சரிந்துள்ளன.
அசர்பைஜான் எல்லைப் பகுதியில் ட்ரோன் தாக்குதல் இடம்பெற்றதாக கூறி பழிவாங்கும் நடவடிக்கைகள் குறித்து அந்நாட்டு அரசு ஆலோசித்து வருகிறது. ஈரான் இந்த குற்றச்சாட்டை மறுத்துள்ளது.லெபனானில் ஈரான் ஆதரவு பெற்ற ஹெஸ்பொல்லா அமைப்பு இஸ்ரேல் எல்லைப் பகுதிகளில் உள்ள நகரங்களை காலி செய்ய எச்சரிக்கை விடுத்துள்ளது.
அமெரிக்க பாதுகாப்புத் தரப்பினர், தங்கள் படைகளிடம் போதிய வெடிமருந்துகள் உள்ளதாகவும், ஈரான் இலக்குகளை தொடர்ந்து தாக்க நடவடிக்கைகள் மேற்கொள்ளப்படுவதாகவும் தெரிவித்துள்ளனர்.போரின் தொடக்கத்திலிருந்து ஈரானின் ஏவுகணை மற்றும் ட்ரோன் தாக்குதல்கள் கணிசமாக குறைந்துள்ளதாக அமெரிக்க தரப்பு கூறியுள்ளது.
