ரஷ்ய எண்ணெய் வாங்க இந்தியாவுக்கு அமெரிக்கா அனுமதி.!

ரஷ்யாவிடமிருந்து மசகு எண்ணெய் வாங்கிக்கொள்ள இந்தியாவுக்கு அமெரிக்கா முப்பது நாட்களுக்கு அனுமதி வழங்கியுள்ளது.
அமெரிக்கா, இஸ்ரேல் மற்றும் ஈரான் இடையிலான போர் காரணமாக மத்திய கிழக்கு நாடுகளில் பதற்றம் அதிகரித்துள்ளது. இதனால் உலகளவில் மசகு எண்ணெய் தட்டுப்பாடு ஏற்படும் நிலை உருவாகியுள்ளது.

இந்த சூழலில், உலக சந்தையில் நிலவும் எண்ணெய் தட்டுப்பாட்டை குறைக்கும் நோக்கில் ரஷ்யாவிடமிருந்து எண்ணெய் வாங்க அமெரிக்கா அனுமதி வழங்கியுள்ளது. எனினும், இந்த அனுமதி அடுத்த முப்பது நாட்களுக்குள் மட்டுமே செல்லுபடியாகும் என தெரிவிக்கப்பட்டுள்ளது.

கடல் வழி எண்ணெய் விநியோகம் பாதிக்கப்பட்டுள்ளதையும், மத்திய கிழக்கில் நிலவும் பதற்றத்தையும் கருத்தில் கொண்டு இந்த தற்காலிக அனுமதி வழங்கப்பட்டதாக அமெரிக்க நிதித் துறைச் செயலாளர் தெரிவித்துள்ளார்.