ஆப்கானிஸ்தான் மற்றும் பாகிஸ்தான் இடையிலான பதற்றம் உச்சக்கட்டத்தை எட்டியுள்ள நிலையில், ஆப்கானிஸ்தானின் தலைநகர் காபூல் மற்றும் கந்தகார் நகரங்களை இலக்கு வைத்து பாகிஸ்தான் விமானப்படை குண்டுவீச்சுத் தாக்குதல்களை மேற்கொண்டதாகத் தகவல்கள் தெரிவிக்கின்றன.
இதனைத் தொடர்ந்து, தாங்கள் தற்போது ஆப்கானிஸ்தானுடன் “நேரடிப் போரில்” ஈடுபட்டுள்ளதாக பாகிஸ்தான் பாதுகாப்பு அமைச்சர் கவாஜா ஆசிப் அறிவித்துள்ளார்.கடந்த சில நாட்களாக இரு நாடுகளின் எல்லைப் பகுதிகளில் பதற்றம் நிலவி வந்ததாகவும், பாகிஸ்தான் எல்லைப் பகுதியில் ஆப்கானிஸ்தான் படையினர் தாக்குதல் நடத்தியதற்குப் பதிலடியாகவே இந்த வான்வழித் தாக்குதல் நடத்தப்பட்டதாகவும் பாகிஸ்தான் தரப்பு தெரிவித்துள்ளது.
காபூல் மற்றும் கந்தகாரில் உள்ள தாலிபான் நிர்வாகத்தின் பாதுகாப்பு நிலைகளை இலக்கு வைத்து போர் விமானங்கள் குண்டுவீசியதாக கூறப்படுகிறது.சர்வதேச நாடுகள் அமைதி காக்குமாறு கோரிக்கை விடுத்து வரும் நிலையில், இரு நாடுகளும் போருக்குத் தயாராகி வருவதாகத் தெரிவிக்கப்படுவதால் தெற்காசியப் பிராந்தியத்தில் கடும் பதற்ற நிலை ஏற்பட்டுள்ளது
