2027 ஆம் ஆண்டு ஜனாதிபதி தேர்தலில், மின்னணு கண்காணிப்பு காப்பு அணிய வேண்டிய தண்டனை விதிக்கப்பட்டால் தாம் தேர்தல் பிரசாரத்தில் ஈடுபடமாட்டேன் என பிரான்ஸ் அரசியல் தலைவி மரின் லூ பென் தெரிவித்துள்ளார்.
இத்தகைய கட்டுப்பாடுகளுடன் வாக்காளர்களை நேரில் சந்தித்தலும், பொதுக் கூட்டங்களில் பங்கேற்பதும் சாத்தியமில்லை; அது தன்னை வேட்பாளராக நிற்பதை மறைமுகமாகத் தடுக்கும் நடவடிக்கையாகும் என்றும் அவர் கூறியுள்ளார்.
ஐரோப்பிய நாடாளுமன்ற உறுப்பினர்களின் உதவியாளர்கள் தொடர்பான வழக்கில் மேல்முறையீட்டு நீதிமன்றத் தீர்ப்பு எதிர்வரும் ஜூலை 7 ஆம் திகதி வெளியாக உள்ளது. தாம் போட்டியிட முடியாத நிலை ஏற்பட்டால், கட்சித் தலைவர் ஜோர்டான் பார்டெல்லா வேட்பாளராக அறிவிக்கப்படுவார் என அவர் தெரிவித்துள்ளார்.
அவர்மீது எந்தவித கட்டுப்பாடு அல்லது மேற்பார்வை பொறுப்பையும் தாம் ஏற்கமாட்டேன் என்றும், தேவையானபோதுஆலோசனை வழங்குவேன் என்றும் லூ பென் குறிப்பிட்டுள்ளார்.மேலும், 2027 ஆம் ஆண்டு அவர் தேர்ந்தெடுக்கப்பட்டாலும் தாம் அரசில் இணையமாட்டேன் எனவும் அவர் உறுதிப்படுத்தியுள்ளார்.
