பிரான்ஸ் அரசு வழங்கிய சம்மனுக்கு உரிய முறையில் பதிலளிக்கும் வரை, அரசு அதிகாரிகள் எவரும் அமெரிக்கத் தூதரைச் சந்திக்க முடியாது என பிரான்ஸ் வெளியுறவுத்துறை அமைச்சர் ஜீன் நோல் பரோட் தெரிவித்துள்ளார்.அமெரிக்கா முன்னாள் ஜனாதிபதி டொனால்ட் டிரம்ப் அவர்களின் மருமகனான ஜாரெட் குஷ்னர் அவர்களின் தந்தை சார்லஸ் குஷ்னர், தற்போது பிரான்சுக்கான அமெரிக்கத் தூதராகப் பதவி வகிக்கிறார்.
லியோன் நகரில் 23 வயதுடைய இளைஞர் ஒருவர் தாக்கப்பட்டு உயிரிழந்த சம்பவம் தொடர்பாக அமெரிக்க வெளியுறவுத்துறை, பிரான்ஸ் அரசுக்கு எதிராக கருத்து வெளியிட்டிருந்தது.அதற்கு எதிர்ப்பை பதிவு செய்ய சார்லஸ் குஷ்னருக்கு பிரான்ஸ் வெளியுறவுத்துறை சம்மன் அனுப்பியிருந்தது. ஆனால் அவர் அதற்கிணங்க நேரில் ஆஜராகவில்லை.
இதற்கு கண்டனம் தெரிவித்த அமைச்சர் ஜீன் நோல் பரோட், சம்மனுக்கு மதிப்பளித்து அவர் முன்னிலையாகும் வரை, பிரான்ஸ் அரசு அதிகாரிகள் எவரும் அவரைச் சந்திக்க அனுமதிக்கப்படமாட்டார்கள் எனத் தெளிவுபடுத்தியுள்ளார்.
