அம்பாறை மாவட்டம் திருக்கோவில் பொலிஸ் பிரிவுக்குட்பட்ட தம்பிலுவில் 01 கிழக்கு கனகர் கிராமம் ஆதவன் மைதான வீதியில் பொங்கல் தினமான நேற்று மாலை சுமார் 7.00 மணியளவில் வீடு ஒன்றில் திடீர் தீ விபத்து ஒன்று இடம்பெற்றுள்ளது.
குறித்த தீ விபத்தில் வீட்டின் கூரை சேதமடைந்ததுடன் மற்றும் வீட்டின் அறையில் இருந்த பெருந்தொகையான தளபாடப் பொருட்கள் என்பன தீயில் கருகி சாம்பலாகியுள்ளது.
மேலும் உயிர் சேதம் ஒன்றும் இடம்பெறவில்லை.
குறித்த தீ விபத்துக்கான சரியான காரணம் இன்னும் அறியப்படவில்லை
சம்பவம் தொடர்பில் மேலும் தெரியவருவது சம்பவ தினமான நேற்று தைத்திருநாள் என்பதனால் வீட்டின் உரிமையாளர்கள் வெளியில் உறவினர் வீட்டுக்கு சென்றுள்ளனர். வீட்டில் ஒரு சகோதரி மாத்திரமே இருந்துள்ளார். வீட்டின் உரிமையாளர்கள் வீடு திரும்பிய வேளை வீட்டில் தீ விபத்து ஏற்பட்டதை கண்டதாக தெரிவித்தனர்.
பின்னர் பொதுமக்கள் மற்றும் அயலவர்களின் உதவியுடன் தீயினை கட்டுப்பாட்டுக்குள் கொண்டு வந்துள்ளதாக வீட்டின் தெரிவித்தனர்.
