இந்தியாவில் ஒரு தம்பதியினர் கடந்த இரண்டு தசாப்தங்களாக பத்து பெண் குழந்தைகளைப் பெற்ற பிறகு, சமீபத்தில் தங்கள் 11வது குழந்தையான ஆண் குழந்தையைப் பெற்றெடுத்துள்ளனர்.ஹரியானா மாநிலத்தின் ஜிந்த் மாவட்டத்தில் உள்ள உசானா நகரில் 37 வயது ஒரு பெண், பத்து மகள்களுக்கு பின்னர் தனது 11‑வது குழந்தையாக ஒரு மகனை வெற்றிகரமாக பெற்றெடுத்துள்ளார்.
இது மருத்துவ ரீதியாக ஆபத்தான பிரசவமாகவும் இருந்த போதிலும், தாயும் குழந்தையும் இப்போது நலமாக இருக்கிறார்கள் என்பதை மருத்துவர்கள் தெரிவித்துள்ளனர்.குறிப்பாக, தனது பத்து மகள்களின் பெயர்களை நினைவு கூர்வதில் தந்தை சிரமப்படும் ஒரு வீடியோ வெளியான பிறகு, குடும்பத்தின் கதை சமூக ஊடகங்களில் கவனத்தைப் பெற்றது.
தந்தை சஞ்சய் குமார், தன் 10 மகள்களால் பெருமைப்படுவதாகவும், அவர்களுக்கும் நல்வாழ்வு மற்றும் கல்வியை வழங்க முயற்சிப்பதாகவும் கூறினார்.தனது அனைத்து குழந்தைகளின் பெயர்களையும் சரியாக நினைவில் வைத்திருக்க முடியாது என்று தந்தை ஒப்புக்கொண்டது பலரை அதிர்ச்சிக்குள்ளாக்கியுள்ளது.
தனது குடும்பம் மகன் பிறப்பில் மகிழ்ச்சியடைந்தாகவும் அவருக்கு “தில்குஷ்” என்ற பெயரை வைத்துள்ளனர். இது “மகிழ்ச்சியான இதயம்” என பொருள்படும்.இந்தக் கதை வைரலாகி, பாலின விருப்பம், ஆண் குழந்தைக்கான அழுத்தம், குடும்பக் கட்டுப்பாடு இல்லாமை மற்றும் இந்தியாவின் சில பகுதிகளில் பெண்கள் எதிர்கொள்ளும் சமூக யதார்த்தங்கள் பற்றிய உரையாடல்களை மீண்டும் தூண்டியுள்ளது.ஒரு குழந்தையின் பிறப்பு மகிழ்ச்சியான தருணம் என்றாலும், சூழ்நிலைகள் ஆணாதிக்கம் மற்றும் சமூகத்தில் பொறுப்பு பற்றிய சங்கடமான கேள்விகளை எழுப்புகின்றன.
