மஹிந்தவின் 81ஆவது பிறந்தநாள் : ரணில் தொலைபேசி மூலம் வாழ்த்து!
ஸ்ரீலங்கா பொதுஜன பெரமுன கட்சியின் தலைவரான முன்னாள் ஜனாதிபதி மஹிந்த ராஜபக்ஷவின் 81ஆவது பிறந்தநாளை முன்னிட்டு, முன்னாள் ஜனாதிபதி ரணில் விக்கிரமசிங்க இன்று புதன்கிழமை தொலைபேசி ஊடாகத் தனது பிறந்தநாள் வாழ்த்துக்களைத் தெரிவித்துள்ளார்.
முன்னாள் ஜனாதிபதி ரணில் விக்கிரமசிங்க தனிப்பட்ட ரீதியில் மஹிந்த ராஜபக்ஷவைத் தொலைபேசியில் தொடர்புகொண்டு, அவரது பிறந்தநாளுக்குரிய தனது உளப்பூர்வமான வாழ்த்துக்களைப் பகிர்ந்துகொண்டார்.
இலங்கையின் ஐந்தாவது நிறைவேற்று அதிகாரம் கொண்ட ஜனாதிபதியான மஹிந்த ராஜபக்ஷ, 1945ஆம் ஆண்டு நவம்பர் மாதம் 18ஆம் திகதி பிறந்தார் என்பதுடன், அவர் இன்று தனது 81ஆவது பிறந்தநாளைக் கொண்டாடுகின்றார்.
நாட்டின் ஜனாதிபதியாக 2005 முதல் 2015 வரை இரண்டு பதவிக்காலங்கள் பதவி வகித்த மஹிந்த ராஜபக்ஷ, பின்னர் நாட்டின் பிரதமராகவும் சேவையாற்றியுள்ளமை குறிப்பிடத்தக்கது.


