மதுரையில் பிரபல நகைக்கடை கொள்ளை: இன்ஸ்டாகிராம் பிரபலம் மீனாட்சி கைது!
இந்தியாவின் மதுரையில் புதிதாகத் திறக்கப்பட்ட பிரபல நகைக்கடையில் இடம்பெற்ற கொள்ளைச் சம்பவம் தொடர்பில் இன்ஸ்டாகிராம் பிரபலமான மீனாட்சி கைது செய்யப்பட்டுள்ளார்.
கொள்ளைச் சம்பவத்தின் பிரதான சந்தேகநபரான 25 வயதுடைய நிஷாந்தின் நெருங்கிய தோழியாகக் கருதப்படும் மீனாட்சியுடன், நிஷாந்தின் தந்தையான சுரேஷும் கைது செய்யப்பட்டுள்ளார்.
கைது செய்யப்பட்ட இருவரிடமிருந்தும் சுமார் ஆறு கிலோகிராம் தங்க நகைகள் மீட்கப்பட்டுள்ளதாக இந்திய ஊடகங்கள் தெரிவிக்கின்றன.
அழகுசாதனப் பொருட்கள் உள்ளிட்ட பல்வேறு பொருட்களை சமூக வலைத்தளங்களில் விளம்பரப்படுத்தி வந்த மீனாட்சி, இந்தக் கொள்ளைச் சம்பவத்துடன் எவ்வாறு தொடர்புபட்டுள்ளார் என்பது குறித்து காவல்துறையினர் விசாரணைகளை முன்னெடுத்து வருகின்றனர்.
இதேவேளை, கொள்ளைச் சம்பவத்தின் பிரதான சந்தேகநபரான நிஷாந்த் இதுவரை கைது செய்யப்படவில்லை.
அவரது செல்பேசி அணைக்கப்பட்டுள்ள நிலையில், அவரைக் கைது செய்வதற்காக ஒன்பது தனிப்படைகள் அமைக்கப்பட்டு தேடுதல் நடவடிக்கைகள் முன்னெடுக்கப்பட்டுள்ளன.
கொள்ளைக்குப் பயன்படுத்திய ஆடைகளை நிஷாந்த் தனது குடும்பத்துக்குச் சொந்தமான விவசாய நிலத்தில் எரித்திருக்கலாம் எனவும் காவல்துறையினர் சந்தேகிக்கின்றனர்.
இந்தக் கொள்ளைச் சம்பவம் தொடர்பான மேலதிக விசாரணைகள் தொடர்ந்தும் முன்னெடுக்கப்பட்டு வருகின்றன.


