தெற்கு காசாவில் உள்ள நாசர் மருத்துவமனையின் கட்டிடம் ஒன்றின் மீது இஸ்ரேல் நடத்திய வான்வழித் தாக்குதலில், அறுவை சிகிச்சை நிபுணர் ஒருவர் உட்பட குறைந்தது ஆறு பேர் உயிரிழந்தனர்.
மேலும், இந்த தாக்குதலில் 20 பேர் காயமடைந்தனர் என்று காசாவின் சிவில் பாதுகாப்பு சேவையின் பேச்சாளர் ஒருவர் கூறியுள்ளார்.
அதன்படி, கான் யூனிஸில் உள்ள மருத்துவமனையின் அறுவை சிகிச்சை பிரிவின் மீது இஸ்ரேலிய வான்வழித் தாக்குதல் நடத்தப்பட்டதாகவும், இதனால் அங்கு பெரும் சேதம் ஏற்பட்டுள்ளதாகவும் அந்தப் பகுதிக்கான சிவில் பாதுகாப்புப் பிரிவின் செய்தித் தொடர்பாளர் மஹ்மூத் பாசல் கூறினார்.
இறந்த அறுவை சிகிச்சை நிபுணர் ரெசிக் அபுஷிரா என மருத்துவப் பணியாளர்கள் அடையாளம் கண்டனர்.
மருத்துவமனைக்கு உள்ளிருந்து எடுக்கப்பட்ட ராய்ட்டர்ஸ் காணொளியில், அறைகள் முழுவதும் இடிபாடுகளும் தளபாடங்களும் சிதறிக் கிடப்பதும், சேதமடைந்த கூரைகளிலிருந்து கம்பிகள் தொங்குவதும் என விரிவான சேதம் காணப்பட்டது.
