‘தர்மன்’ படத்தில் இணைந்தார் பிரபல தெலுங்கு நடிகர் ராம் பொத்தினேனி

நடிகர் ரஜினிகாந்த் நடிப்பில் பிரம்மாண்டமாக உருவாகி வரும் ‘தர்மன்’ (Dharman) திரைப்படத்தில் பிரபல தெலுங்கு நடிகர் ராம் பொத்தினேனி (Ram Pothineni) இணைந்திருப்பதை படக்குழு அதிகாரப்பூர்வமாக அறிவித்துள்ளது.

இந்த படத்தில் ராம் பொத்தினேனி இணைவதை உறுதி செய்யும் விதமாக படக்குழு வெளியிட்டுள்ள சிறப்பு அறிமுக காணொளி தற்போது சமூக வலைதளங்களில் வைரலாகி வருகிறது.

இப்படத்தில் ரஜினிகாந்துடன் இணைந்து நயன்தாரா, ஸ்ரீலீலா, ராஷி கண்ணா, சிம்ரன் மற்றும் யோகி பாபு உள்ளிட்ட பல முன்னணி நட்சத்திரங்கள் முக்கிய கதாபாத்திரங்களில் நடிக்கின்றனர். மேலும், இந்த படத்திற்கு அனிருத் இசையமைக்கிறார்.

இந்திய திரையுலகின் முன்னணி நட்சத்திரங்கள் மற்றும் தொழில்நுட்பக் கலைஞர்கள் இணைந்துள்ள இந்த திரைப்படம் சினிமா வட்டாரத்திலும் ரசிகர்களிடையே பெரும் எதிர்பார்ப்பை ஏற்படுத்தியுள்ளது.