அமெரிக்க ஜனாதிபதி டொனால்ட் ட்ரம்ப் நிர்வாகம், கலிபோர்னியா மாநிலத்தில் வெளிநாட்டுப் பிரஜைகளால் அளிக்கப்பட்டிருக்கலாம் எனக் கூறப்படும் ஆயிரக்கணக்கான வாக்குகளைத் தடுத்து நிறுத்துமாறு விடுத்த கோரிக்கையை அமெரிக்க உயர் நீதிமன்றம் நிராகரித்துள்ளது.
நீதித்துறை முன்வைத்த இந்த அவசரக் கோரிக்கை, தாக்கல் செய்யப்பட்ட சில மணித்தியாலங்களிலேயே நேற்று (02) நிராகரிக்கப்பட்டுள்ளது.
இது தொடர்பான வழக்கை விசாரித்த அனைத்து நீதிமன்றங்களும் இதுவரை குறித்த கோரிக்கையை நிராகரித்துள்ள நிலையில், போதிய உறுதிப்படுத்தப்படாத தகவல்களின் அடிப்படையில் இந்த மனு தாக்கல் செய்யப்பட்டுள்ளதாக தெரிவிக்கப்படுகிறது.
இடைத் தேர்தல் நடைபெறுவதற்கு ஒரு நாள் முன்னதாக இந்த மனு உயர் நீதிமன்றத்தில் சமர்ப்பிக்கப்பட்டிருந்தது.
எனினும், இந்தத் தீர்ப்புக்கான காரணங்களை நீதிமன்றம் வெளியிடவில்லை.
அதேவேளை, தீர்ப்புக்கு எதிராக எந்தவொரு நீதிபதியும் கருத்து வெளியிடவில்லை. இதற்கிடையில், அமெரிக்கா முழுவதும் பல கோடி வாக்காளர்கள் ஏற்கனவே முன்கூட்டிய வாக்களிப்பில் தமது வாக்குகளைப் பதிவு செய்துள்ளனர்.
