தமிழ், தெலுங்கு, இந்தி உள்ளிட்ட பல்வேறு மொழிகளில் நடித்து தனக்கென தனிமுத்திரையைப் பதித்த ஹோலிவுட் நடிகை ராதிகா ஆப்தே, தென்னிந்திய சினிமா திரைப்படத் துறை குறித்துத் தெரிவித்த கருத்துகள் தற்போது சமூக வலைதளங்களில் வைரலாகி வருகின்றன.
கடந்த 2019ஆம் ஆண்டிற்குப் பிறகு தென்னிந்தியத் திரைப்படங்களில் நடிக்காதது ஏன் என்பது குறித்து எழுப்பப்பட்ட கேள்விக்கு பதிலளித்த அவர்:
“வடநாட்டு நடிகைகள் வெள்ளையாக இருப்பதால் தான் தென்னிந்திய சினிமாவில் அவர்களைத் தெரிவு செய்து நடிக்க வைக்கிறார்கள்.
ஆனால் நான் அதிகம் வெள்ளையாக இல்லை. உண்மையில் தென்னிந்திய நடிகைகளையே அவர்கள் படங்களில் நடிக்க வைக்கலாமே, அதை விடுத்து எதற்காக வட இந்திய நடிகைகளைத் தேடிச் செல்கிறார்கள்?” என்று பகிரங்கமாகக் கேள்வி எழுப்பியுள்ளார்.
தோல் நிறத்தை அடிப்படையாகக் கொண்டு நடிகைகள் தெரிவு செய்யப்படுவது குறித்தும், தென்னிந்திய சினிமா துறையில் வடஇந்திய நடிகைகளுக்கு வழங்கப்படும் முன்னுரிமை குறித்தும் அவர் பேசியுள்ள இந்தக் கருத்துக்கள் இணையத்தில் பெரும் விவாதத்தை ஏற்படுத்தியுள்ளன.
