வன்னி மாவட்ட நாடாளுமன்ற உறுப்பினர் செல்வம் அடைக்கலநாதன் , நேற்றைய தினம் வெள்ளிக்கிழமை [16] மன்னார் வங்காலை பிரதேச வைத்தியசாலைக்கு விஜயம் மேற்கொண்டு, வைத்தியசாலையின் தற்போதைய நிலைமைகள் மற்றும் எதிர்கொள்ளப்படும் சவால்கள் தொடர்பில் ஆராய்ந்தார்.
இதன்போது, வைத்தியசாலையின் வைத்திய அதிகாரிகள் மற்றும் பணியாளர்களுடன் கலந்துரையாடிய நாடாளுமன்ற உறுப்பினர், வைத்தியசாலையில் நிலவும் ஆளணிப் பற்றாக்குறை, உள்ளகத் தேவைகள் மற்றும் முன்னெடுக்கப்பட வேண்டிய அபிவிருத்திப் பணிகள் தொடர்பாகக் கேட்டறிந்துகொண்டார்.
மேலும், 2026 ஆம் ஆண்டிற்கான நாடாளுமன்ற உறுப்பினர்களின் பன்முகப்படுத்தப்பட்ட நிதி ஒதுக்கீட்டின் கீழ், ரூ. 300,000 பெறுமதியான மருத்துவ உபகரணங்கள் வங்காலை பிரதேச வைத்தியசாலைக்கு வழங்கி வைக்கப்பட்டுள்ளன.
வைத்தியசாலையின் மருத்துவ சேவைகளை மேம்படுத்துதல், நோயாளர்களுக்கான வசதிகளை அதிகரித்தல் மற்றும் நிலவும் குறைபாடுகளை நிவர்த்தி செய்வதற்கான தேவைகளை அடையாளம் காணுதல் ஆகிய விடயங்கள் இந்த விஜயத்தின் முக்கிய அம்சங்களாக அமைந்தன.
மக்களின் சுகாதாரத் தேவைகள் மற்றும் கிராமப்புற வைத்தியசாலைகளின் உட்கட்டமைப்பு வசதிகள் தொடர்பில் கவனம் செலுத்தும் வகையில் இவ்விஜயம் அமைந்திருந்தது.
