பொதுபலசேனா அமைப்பின் பொதுச்செயலாளர் கலகொட அத்தே ஞானசார தேரருக்கு ஜனாதிபதி பொதுமன்னிப்பு வழங்க வேண்டும் எனப் போராட்டத்தில் ஈடுபட்டு வரும் தேரர்களின் கோரிக்கை நிறைவேற்றப்பட முடியாத ஒன்று என்று அமைச்சர் கே.டி. லால் காந்த திட்டவட்டமாக அறிவித்துள்ளார்.
இது குறித்து ஊடகங்களிடம் கருத்துத் தெரிவித்த அவர்,
“மக்கள் வழங்கிய ஆணையின் பிரகாரமே தற்போதைய அரசு தீர்மானங்களை எடுத்து வருகின்றது. பாதயாத்திரையாக வந்த தேரர்களால் முன்வைக்கப்பட்டுள்ள இந்தக் கோரிக்கையை நிறைவேற்ற முடியாது. அவ்வாறு நிறைவேற்றினால், அது மக்களுக்கு வழங்கிய ஆணையை மீறும் செயலாகவே அமையும்.” – என்றார்.
மேலும், “சட்டம் என்பது நாட்டின் அனைத்துக் குடிமக்களுக்கும் சமமானதாகும். நீதிமன்றத்தின் உத்தரவுக்கும், மக்களின் ஆணைக்கும் புறம்பாக அரசால் செயற்பட முடியாது” என்றும் அவர் உறுதியாகத் தெரிவித்தார்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
