வீதி விபத்தில் ஏழு வயது சிறுவன் ஒருவன் பரிதாபகரமாக உயிரிழந்துள்ளமையுடன், அவரது தந்தை படுகாயமடைந்துள்ளார்.
இந்தத் துயரச் சம்பவம் மொனராகலை மாவட்டம், பிபிலைப் பகுதியில் நேற்று செவ்வாய்க்கிழமை மாலை இடம்பெற்றுள்ளது.
பிபிலைப் பகுதியைச் சேர்ந்த தந்தை தன் மகனுடன் முச்சக்கரவண்டியில் பயணித்துக்கொண்டிருந்த போது, எதிரே வந்த டிப்பர் வாகனத்துடன் முச்சக்கரவண்டி நேருக்கு நேர் மோதி விபத்துக்குள்ளாகியுள்ளது.
இந்தக் கோர விபத்தில் முச்சக்கரவண்டியில் பயணித்த 7 வயது சிறுவன் சம்பவ இடத்திலேயே பரிதாபமாக உயிரிழந்துள்ளார். முச்சக்கரவண்டியைச் செலுத்திச் சென்ற சிறுவனின் 38 வயதுடைய தந்தை படுகாயமடைந்த நிலையில் வைத்தியசாலையில் சேர்க்கப்பட்டுள்ளார்.
சம்பவத்துடன் தொடர்புடைய டிப்பர் வாகனத்தின் சாரதியைப் பொலிஸார் கைதுசெய்துள்ளதுடன், விபத்து தொடர்பான மேலதிக விசாரணைகளையும் முன்னெடுத்து வருகின்றனர்.
