செம்மணியில் என்னை புதைத்து விட்டார்கள் எனக்கு நீதி கிடைக்குமா? – முன்பள்ளி விளையாட்டு விழாவில் கண் கலங்க வைத்த சிறுவன்!
யாழ். வடமராட்சி கிழக்கு, செம்பியன்பற்று வடக்கு சென் பிலிப் நேரிஸ் முன்பள்ளியின் வருடாந்த விளையாட்டு விழா இன்றையதினம் சிறப்பாக இடம்பெற்றது.
இவ் நிகழ்வின் இறுதியில் வினோத உடை எனும் நிகழ்வு இடம்பெற்றது. குறித்த நிகழ்வில் சிறுவர்கள் பல்வேறு வேடமிட்டு காணப்பட்டனர்.
இதன்போது ஒரு சிறுவன் “காரணமே இல்லாமல் என்னை பல ஆண்டுக்கு முன்னர் என்னை அம்மாவின் மார்பில் பால் அருந்திய கண்கொண்டு இருக்கும் போது என்னை புதைத்து விட்டார்கள் எனக்கு நீதி கிடைக்குமா” என எழுதப்பட்ட வினோத உடை தரித்து வந்துள்ளான்.
இந்த சம்பவம் பார்வையாளர்கள் மற்றும் விருந்தினர்களை நெகிழ்ச்சிக்கு உள்ளாக்கியது.
தம்முடைய இறப்புக்கு நீதி கேட்ட சிறுவனை பார்த்து, விருந்தினர் “நீங்கள் யாராக வந்துள்ளீர்கள் என கேள்வி கேட்கும் போது சிறுவன், காரணமே இல்லாமல் செம்மணியில் என்னை புதைத்தார்கள் என பதிலளிக்க விருந்தினரின் கண்களில் கண்ணீர் சிந்த தொடங்கியது.
அதனை தொடர்ந்து விருந்தினர் “எங்கிருந்து, ஏன் இப்போது வந்துள்ளீர்கள் என கேட்க “என் இறப்புக்கும் என்னை போல் புதைக்கப்பட்ட வருக்கும் நீதி கேட்டு செம்மணியில் புதைகுழியில் இருந்து வந்துள்ளேன். எமக்கான நீதி இந்த அரசாங்கம் தரும் என கூறி என்னுடன் புதைக்கப்பட்ட நண்பர்கள் அனுப்பி வைத்தார்கள்” என தனது மழலை குரலால் பதிலளித்தான்.
