மஹியங்கனை, அலுக்கெட்டியாவ பகுதியில் வீடொன்றிற்கு முன்னால் நபரொருவர் கூர்மையான ஆயுதத்தால் தாக்கப்பட்டு கொலை செய்யப்பட்ட சம்பவத்துடன் தொடர்புடைய பிரதான சந்தேகநபரை பொலிஸார் நேற்று வெள்ளிக்கிழமை (11) இரவு கைது செய்துள்ளதாக பொலிஸார் தெரிவித்தனர்.
மாபாகடவெவ பகுதியைச் சேர்ந்த 22 வயதுடைய இளைஞன் ஒருவரே கைது செய்யப்பட்டுள்ளார்.
10 ஆம் திகதி அலுக்கெட்டியாவ பகுதியில் வீடொன்றிற்கு முன்னால் வைத்து நபரைத் கூர்மையான ஆயுதத்தால் தாக்கிப் படுகொலை செய்துவிட்டுச் சந்தேகநபர் தப்பியோடியிருந்தார்.
இக் குற்றச் சம்பவம் தொடர்பில் மஹியங்கனை பொலிஸ் நிலைய அதிகாரிகளால் முன்னெடுக்கப்பட்ட விசேட விசாரணைகளின் அடிப்படையில் சந்தேகநபர் கைது செய்யப்பட்டுள்ளார்.
மேலும், இச் சம்பவம் தொடர்பில் மஹியங்கனை பொலிஸார் மேலதிக விசாரணைகளில் ஈடுபட்டு வருகின்றனர்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
