துருக்கித் தூதுவருடன் திலித் ஜயவீர எம்.பி. சந்திப்பு!

இலங்கைக்கான துருக்கித் தூதுவர் செமி லுட்ஃபு துர்குட்டை, சர்வஜன அதிகாரம் கட்சியின் தலைவரும் நாடாளுமன்ற உறுப்பினருமான திலித் ஜயவீர சந்தித்துக் கலந்துரையாடியுள்ளார்.

துருக்கித் தூதரகத்தில், தூதுவரின் உத்தியோகபூர்வ அழைப்பின் பேரில் இன்று செவ்வாய்க்கிழமை நடைபெற்ற இந்தச் சந்திப்பில், தற்போதைய பிராந்திய மற்றும் சர்வதேச அரசியல் நிலவரங்கள் தொடர்பான பல முக்கிய விடயங்கள் குறித்து விரிவாகக் கலந்துரையாடப்பட்டுள்ளது.

இதன்போது, இலங்கை ஒரு தொழில்முனைவு நாடாக பரிணமிக்கும் பயணத்தில் துருக்கி குடியரசின் ஒத்துழைப்பு மற்றும் ஆதரவைப் பெற்றுக்கொள்வது தொடர்பிலும் விசேட கவனம் செலுத்தப்பட்டுள்ளது.

துருக்கித் தூதுவர் அலுவலகத்தில் இடம்பெற்ற இந்தச் சந்திப்பில், சர்வஜன அதிகார கட்சியின் ஊடகச் செயலாளர் ஹசன் அல்அல்தீனும் கலந்துகொண்டிருந்தமை குறிப்பிடத்தக்கது.