கொழும்பு – கடவத்தையிலிருந்து நுவரெலியா நோக்கிச் பயணித்த பாரவூர்தி பிரதான வீதியிலிருந்து விலகிச் சென்று விபத்துக்குள்ளானதில் மூவர் காயமடைந்து வைத்தியசாலையில் அனுமதிக்கப்பட்டுள்ளனர்.
இன்று வெள்ளிக்கிழமை (03) அதிகாலை 5:30 மணியளவில் இந்த விபத்து இடம்பெற்றுள்ளது.
கடவத்தையிலிருந்து நுவரெலியாவுக்கு பயணித்த சிறிய ரக பாரவூர்தி கட்டுப்பாட்டை இழந்து பிரதான வீதியிலிருந்து விலகிச் சென்று பள்ளத்தில் கவிழ்ந்ததில், அதன் சாரதி மற்றும் மேலும் இருவர் காயமடைந்து கித்துல்கல பிராந்திய வைத்தியசாலையில் அனுமதிக்கப்பட்டதாக பொல்பிட்டிய பொலிஸ் அதிகாரி ஒருவர் தெரிவித்தார்.
ஹட்டன் – கொழும்பு பிரதான வீதியில் பொல்பிட்டிய பொலிஸ் பிரிவிற்குட்பட்ட கலுகல சிங்கள மகா வித்தியாலயத்திற்கு அருகே இந்த விபத்து நேர்ந்துள்ளது.
சாரதிக்கு ஏற்பட்ட நித்திரை காரணமாக இந்த விபத்து நிகழ்ந்ததாகவும், விபத்தில் பாரவூர்தி பலத்த சேதமடைந்ததாகவும் பொலிஸார் தெரிவித்தனர்.
