“அரச புலனாய்வுச் சேவையின் முன்னாள் பணிப்பாளர் மேஜர் ஜெனரல் (ஓய்வுபெற்ற) சுரேஷ் சலே தற்பொழுது நடத்தப்பட்டு வரும் விதம் பெரும் கவலையைத் தோற்றுவித்துள்ளது.
எனவே, அவருக்கு எதிராக எடுக்கப்படும் அனைத்துச் சட்ட நடவடிக்கைகளும் நாட்டின் அரசமைப்பு மற்றும் சர்வதேச மனித உரிமைக் கடமைகளுக்கு இணங்குவதை பாதுகாப்பு அதிகாரிகள் தட்டாமல் உறுதி செய்ய வேண்டும்” என்று ஐக்கிய தேசியக் கட்சி அவசர அழைப்பு விடுத்துள்ளது.
கைது செய்யப்பட்டுள்ள சுரேஷ் சலேயின் தற்போதைய நிலை குறித்து ஐக்கிய தேசியக் கட்சி இன்று விடுத்துள்ள விசேட உத்தியோகபூர்வ அறிக்கையிலேயே இந்த விவரங்கள் சுட்டிக்காட்டப்பட்டுள்ளன.
அந்த அறிக்கையில் மேலும் தெரிவிக்கப்பட்டுள்ளதாவது:-
“முன்னாள் புலனாய்வுப் பிரிவு பிரதானி சுரேஷ் சலே மீது சுமத்தப்பட்டுள்ள குற்றச்சாட்டுகள் எவ்வாறாயினும், அவர் இலங்கைச் சட்டம் மற்றும் சர்வதேச உடன்படிக்கைகளின் கீழ் இந்நாட்டின் பிரஜை ஒருவருக்கு உத்தரவாதமளிக்கப்பட்ட அனைத்து அடிப்படைப் பாதுகாப்புகளுக்கும் முழுமையாக உரிமையுடையவர் ஆவார்.
சுமத்தப்பட்டுள்ள குற்றச்சாட்டுகளை விடவும், கைது செய்யப்பட்ட ஒரு நபர் தடுத்து வைக்கப்பட்டிருக்கும் போது அரச அதிகாரிகளால் நடத்தப்படும் விதத்தின் மீதே தற்பொழுது அதிக கவனம் செலுத்தப்பட வேண்டியுள்ளது.
எந்தவொரு கைதிக்கும் எதிராக முன்னெடுக்கப்படும் சித்திரவதைகள் அல்லது மனிதாபிமானமற்ற நடத்தைகள் யாவும், இலங்கையின் அரசமைப்பின் 11 ஆவது சரத்து மற்றும் சர்வதேச மனித உரிமைகள் தரங்களுக்கு முற்றிலும் முரணானவையாகும். இதனை எக்காரணம் கொண்டும் சகித்துக்கொள்ள முடியாது.” – என்றுள்ளது.
மேலும், சந்தேகத்தின் பேரில் கைது செய்யப்பட்டு காவலில் வைக்கப்பட்டுள்ள கைதிகளுக்கு எதிரான சித்திரவதைகள் மற்றும் பிற கொடூரமான, மனிதாபிமானமற்ற அல்லது இழிவான நடத்தைகளுக்கு எதிரான சட்ட ரீதியான பாதுகாப்புகளைக் கோரும் பயங்கரவாதத் தடுப்புச் சட்டத்தின் விசேட விதிகளையும் ஐக்கிய தேசியக் கட்சி தனது அறிக்கையில் மிகத் தெளிவாகச் சுட்டிக்காட்டியுள்ளது.
எனவே, இந்த விவகாரத்தில் சட்டம் மற்றும் மனிதநேயத் தரநிலைகளை மீறாது, சர்வதேசத்துக்குப் பொறுப்புக்கூறும் வகையில் அதிகாரிகள் கிரமமாகச் செயற்பட வேண்டும் என்றும் ஐக்கிய தேசியக் கட்சி மேலும் வலியுறுத்தியுள்ளது.
Related Posts
ஒட்டுமொத்த மக்களும் வீதிகளில் இறங்கிப் போராடுவார்கள்! – அரசுக்குச் சஜித் எச்சரிக்கை
"அரசின் இந்த ஒடுக்குமுறைச் சூழலைத் தாங்கிக்கொள்ள முடியாமல் ஒட்டுமொத்த மக்களும் வீதிகளில் இறங்கிப் போராடும் நாள் வெகுதொலைவில் இல்லை" என எதிர்க்கட்சித் தலைவர் சஜித் பிரேமதாஸ எச்சரித்துள்ளார்....
பயங்கரவாதத் தடைச் சட்டம் விரைவில் முற்றாக நீக்கப்படும்!
"அடக்குமுறைச் சட்டங்களை நடைமுறைப்படுத்தி நாட்டை ஆள வேண்டிய அவசியம் தற்போதைய அரசுக்குக் கிடையாது. எமது பின்னால் பலமிக்க மக்கள் ஆணை காணப்படுகின்றது. எனவே, பயங்கரவாதத் தடைச் சட்டம்...
சாய்ந்தமருது அல்-ஹிலால் பாடசாலை சதுரங்கத்தில் மீண்டும் சாதனை
இலங்கை பாடசாலை சதுரங்க சங்கத்தின் ஏற்பாட்டில், கல்முனை வலய பாடசாலைகளுக்கிடையிலான சதுரங்கப் போட்டி 06 மற்றும் 07 ஆம் திகதிகளில் கல்முனை கார்மேல் பற்றிமா கல்லூரியில் இடம்பெற்றது....
அரச தரப்புப் பாடினால் சட்டவிலக்கா?தமிழ் இளைஞர் பாடினால் கைதா? – நாமல் கேள்வி
"உள்ளூராட்சி சபைத் தேர்தல் பிரச்சாரங்களின் போது, தேசிய மக்கள் சக்தியின் அரசியல்வாதிகள் விடுதலைப் புலிகள் அமைப்பின் கருப்பொருள் கொண்ட பாடல்களைத் தங்களின் அரசியல் தேவைகளுக்காகப் பயன்படுத்திய போதும்,...
சாய்ந்தமருது அல்-ஹிலால் வித்தியாலயத்தின் உலக சுற்றாடல் தின நிகழ்வுகள்
உலக சுற்றாடல் தினத்தை முன்னிட்டு ஜனாதிபதி செயலகத்தின் பணிப்புரைக்கமைய க்ளீன் ஶ்ரீலங்கா வேலைத்திட்டத்தின் கீழ் அம்பாறை மாவட்ட செயலகத்தின் அறிவுறுத்தலுக்கமைய நேற்று (08) திங்கட்கிழமை பாடசாலையில் இடம்பெற்றது....
பொருளாதாரத்தைப் படுகொலை செய்தவர்களே இன்று பொருளாதாரம் பற்றிப் பேசுகின்றார்கள்!
"முன்னாள் ஜனாதிபதி மஹிந்த ராஜபக்ஷ உள்ளிட்ட ராஜபக்ஷக்கள் ஒட்டுமொத்த நாட்டின் பொருளாதாரத்தையும் படுகொலை செய்தவர்கள் என்று நாட்டின் உயர்நீதிமன்றமே ஏகமனதாகத் தீர்ப்பளித்துள்ளது. அவ்வாறு நாட்டை வங்குரோத்து நிலைக்குத்...
ஈஸ்டர் தாக்குதல் விசாரணைகளுக்கு இடையூறு விளைவித்தால் சட்ட நடவடிக்கை – அமைச்சர் நளிந்த எச்சரிக்கை!
"உயிர்த்த ஞாயிறு பயங்கரவாதத் தாக்குதல் உள்ளிட்ட முக்கிய வழக்குகள் தொடர்பாகக் குற்றப் புலனாய்வுத் திணைக்களத்தால் முன்னெடுக்கப்பட்டு வரும் மிக விசேட விசாரணைகளை எக்காரணம் கொண்டும் தடுத்து நிறுத்த...
மீண்டும் நீடிக்கப்பட்ட அவசரகாலச் சட்டம் – 28 மேலதிக வாக்குகளால் சபையில் நிறைவேற்றம்
நாட்டில் அமுல்படுத்தப்பட்டுள்ள அவசரகாலச் சட்ட விதிகளின் கால எல்லையை மேலும் ஒரு மாத காலத்துக்கு நீடிப்பதற்கான விசேட தீர்மானம், நாடாளுமன்றத்தில் இன்று நடைபெற்ற விவாதத்தைத் தொடர்ந்து 128...
‘எல் நினோ’ காலநிலை சவாலை எதிர்கொள்ள ஜனாதிபதி செயலகத்தில் விசேட கலந்துரையாடல்!
உலகளாவிய ரீதியில் அச்சுறுத்தலாக உருவெடுத்து வரும் 'எல் நினோ' காலநிலை மாற்றத்தால் இலங்கைக்கு ஏற்படக்கூடிய சாத்தியமான பாதிப்புகள் மற்றும் அதற்கான தேசிய பாதுகாப்பு ஏற்பாடுகள் குறித்த அவசர...
கொழும்பில் முதன் முறையாக தேசிய சாரணர் பொசன் வலயம்
இலங்கை சாரணர் சங்கத்தின் ஏற்பாட்டில், கொழும்பை மையமாகக் கொண்டு முதன்முறையாக நடத்தப்படவுள்ள 'தேசிய சாரணர் பொசன் வலயம்' தொடர்பான விசேட உயர்மட்டக் கலந்துரையாடலொன்று, ஜனாதிபதி செயலாளர் கலாநிதி...