உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

கரவெட்டி மக்கள் எதிர்நோக்கும் நீர் வடிந்தோடல் சிக்கல்; விரைவில் தீர்வு காண நடவடிக்கை..!

இலங்கை செய்திகள் 7 மாதங்கள் முன்
53 பார்வைகள்

கரவெட்டி மத்திய பகுதியில் நீண்டகாலமாக நிலவி வரும் வடிகால் அமைப்பு மற்றும் வீதிப் புனரமைப்புப் பிரச்சினைகளுக்கு விரைவில் தீர்வு காணப்படவுள்ளதாகத் NPP யின் கரவெட்டி பிரதேச சபை உறுப்பினரால்  தெரிவிக்கப்பட்டுள்ளது.

பிரதேச மக்களின் முறைப்பாட்டையடுத்து மேற்கொள்ளப்பட்ட நேரடிப் கள ஆய்வின் அடிப்படையில் நடவடிக்கை முன்னெடுக்கப்படவுள்ளதாக கரவெட்டி பிரதேச சபை உறுப்பினர் அஜந்தன் தெரிவித்துள்ளார்.

அவர் நடாத்திய ஊடக சந்திப்பிலேயே இவ்வாறு குறிப்பிட்டுள்ளார். அதன் முழு விபரமும் வருமாறு. சுமார் ஒரு மாதத்திற்கு முன்னர் பொதுமக்கள் வழங்கிய தகவலின் அடிப்படையில், குறிப்பிட்ட பகுதிக்குச் சென்று நிலைமைகள் ஆராயப்பட்டன.

இதன்போது,  நீரோட்டப் பகுதியில் பொருத்தப்பட்டுள்ள குழாய்கள் (Pipes) முறையற்ற விதத்தில் அமைந்துள்ளமை கண்டறியப்பட்டது. தேங்கி நிற்கும் நீர் சீராக வெளியேறுவதற்கு ஏதுவாக, சுமார் 50 அடி உயரத்தில் உள்ள குழாய்களைச் சீரமைத்து, நிலமட்டத்திற்கு ஏற்றவாறு மாற்றியமைக்க வேண்டியதன் அவசியம் இதன்போது வலியுறுத்தப்பட்டது.

மேலும், கரவெட்டி மத்தி கன்சான் பாதி வீதி  மற்றும் சந்திரகலை வீதி ஆகியவற்றில் மேற்கொள்ளப்பட்ட அபிவிருத்திப் பணிகளில் தொழில்நுட்பக் குறைபாடுகள் உள்ளமை சுட்டிக்காட்டப்பட்டுள்ளது. குறிப்பாக  சந்திரகலை வீதியில் சுமார் 120 – 150 மீட்டர் இடைவெளியில் அமைக்கப்பட்டுள்ள வடிகால்  (Drainage) முறையற்றதாக உள்ளது.

நீர் வெளியேற வேண்டிய திசைக்கு மாறாக, எதிர் திசையில் நீர் வடிந்தோடும் நிலை காணப்படுகிறது. இது பிரதேச சபையின் தொழில்நுட்ப உத்தியோகத்தர்களின் கவனக்குறைவினால் ஏற்பட்ட தவறு எனச் சுட்டிக்காட்டப்பட்டுள்ளது. மழைக்காலம் ஆரம்பமாவதற்கு முன்னதாக இப்பிரச்சினைகளுக்குத் தீர்வு காணத் திட்டமிடப்பட்டுள்ளது. 

இது விடயமாக நாடாளுமன்ற உறுப்பினர் ரஜீவன் அவர்களுடன் கலந்துரையாடப்பட்டு, முதற்கட்ட ஆயத்தப் பணிகள் ஆரம்பிக்கப்பட்டுள்ளதுடன் கரவெட்டி  பிரதேச சபை தவிசாளருடனும்  இவ்விடயம் குறித்துப் பேசப்பட்டுள்ளது.  எதிர்காலத்தில் இவ்வாறான தொழில்நுட்பத் தவறுகள் ஏற்படாத வண்ணம் பணிகளை முன்னெடுக்க இணக்கம் காணப்பட்டுள்ளது.

மேலும்  முறையான நிதிப் பயன்பாட்டின் ஊடாக, மக்களின் அத்தியாவசியத் தேவையை உணர்ந்து இப்பணிகளை விரைந்து முடிக்கத் தீர்மானிக்கப்பட்டுள்ளது.

மக்களின் ஒத்துழைப்புடன், எதிர்வரும் பருவமழைக்கு முன்னதாகவே வடிகால் அமைப்புகளைச் சீரமைத்து, முறையான நீர் வழிந்தோடல் திட்டத்தை அமுல்படுத்த முழுமையான முயற்சிகள் எடுக்கப்பட்டு வருவதாகவும் கரவெட்டி பிரதேச சபை உறுப்பினர்  அஜந்தன் மேலும் தெரிவித்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

153 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

145 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

135 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

134 0 0