உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

குடத்தனை அரச காணி அபகரிப்பு : ஒரு மாதத்திற்குள் வெளியேறுமாறு பிரதேச செயலாளர் அதிரடி உத்தரவு!

இலங்கை செய்திகள் 7 மாதங்கள் முன்
115 பார்வைகள்

யாழ்ப்பாணம், வடமராட்சி கிழக்கு குடத்தனைப் பகுதியில் அரச காணியை அபகரித்து முன்னெடுக்கப்பட்ட சட்டவிரோத கட்டுமானங்களுக்கு எதிராக, வடமராட்சி கிழக்கு பிரதேச செயலாளர் கடும் நடவடிக்கை எடுத்துள்ளார்.

ஒரு மாத கால அவகாசத்திற்குள் குறித்த காணியை விட்டு வெளியேறுமாறு உத்தியோகபூர்வமாக அறிவித்தல் ஒட்டப்பட்டுள்ளது.

சம்பவத்தின் பின்னணி

புலம் பெயர் தேசம் ஒன்றில் வசிக்கும் நபர் ஒருவர், குடத்தனைப் பகுதியில் உள்ள அரச காணியைத் தனது சொந்தக் காணி என உரிமை கோரி, எல்லை மதில் அமைத்து சட்டவிரோதக் கட்டுமானங்களை மேற்கொண்டுள்ளார். இது குறித்து அவதானித்த ஊர் மக்கள் மற்றும் பொது அமைப்புகள், அரச காணிகளைப் பாதுகாக்கும் நோக்கில் பல்வேறு போராட்டங்களையும் எதிர்ப்பு நடவடிக்கைகளையும் முன்னெடுத்தனர்.

இதனைத் தொடர்ந்து, பருத்தித்துறை பிரதேச சபையினால் குறித்த கட்டிடத்திற்கு எதிராக ‘சிவப்பு எச்சரிக்கை’ கடிதம் ஒட்டப்பட்டது. இருப்பினும், சட்டத்தை மதிக்காத போலி காணி உரிமையாளர் அந்த அறிவித்தலைக் கிழித்தெறிந்து சர்ச்சையை அதிகப்படுத்தினார். அண்மையில் நாடாளுமன்ற உறுப்பினர் அர்ச்சுனா அவர்களும் சம்பவ இடத்திற்கு நேரில் சென்று நிலமைகளை ஆராய்ந்து மக்களுடன் கலந்துரையாடியமை குறிப்பிடத்தக்கது.

பிரதேச செயலாளரின் அதிரடி வெளியேற்ற அறிவித்தல்

தற்போது நிலவும் சர்ச்சைக்கு முற்றுப்புள்ளி வைக்கும் வகையில், வடமராட்சி கிழக்கு பிரதேச செயலாளர் உஷா சுபலிங்கம் அவர்கள், 1979 ஆம் ஆண்டின் 7ம் இலக்க அரசு காணிகள் (ஆட்சி மீளப் பெறுதல்) சட்டத்தின் கீழ் நேரடி நடவடிக்கையில் இறங்கியுள்ளார்.

குறித்த காணியில் ஒட்டப்பட்டுள்ள வெளியேற்றும் அறிவித்தலில் குறிப்பிடப்பட்டுள்ள முக்கிய அம்சங்கள்:

சட்டவிரோத ஆக்கிரமிப்பு: மோகனதீஸ்வரன் நிஷா என்பவர் அரச காணியில் அதிகாரமில்லாமல் தங்கியிருப்பதாகக் கண்டறியப்பட்டுள்ளது.

வெளியேற்றக் காலக்கெடு: 2024.05.29 ஆம் திகதி அல்லது அதற்கு முன்னதாக குறித்த காணியில் இருந்து அவரும், அவரைச் சார்ந்தோரும் முழுமையாக வெளியேற வேண்டும்.

காணி ஒப்படைப்பு: குறித்த காணியை எவ்வித ஆக்கிரமிப்புமின்றி காலியான நிலையில், தகுதி வாய்ந்த அதிகாரியான பிரதேச செயலாளரிடமோ அல்லது பின்வரும் அதிகாரிகளிடமோ ஒப்படைக்க வேண்டும்:

திரு. செபமாலை தோமஸ்யூட் (கிராம சேவையாளர்), திருமதி தர்சிகா நிரோஜன் (குடியேற்ற உத்தியோகத்தர்),மக்களின் வரவேற்பு

அரசு காணிகள் தனிநபரால் அபகரிக்கப்படுவதை தடுத்து நிறுத்தும் நோக்கில் பிரதேச செயலகம் எடுத்துள்ள இந்த அதிரடி நடவடிக்கை குடத்தனை மக்கள் மத்தியில் பெரும் வரவேற்பைப் பெற்றுள்ளது. சட்டவிரோதக் கட்டுமானங்களை அகற்றி, பொதுச் சொத்தை மீட்க அதிகாரிகள் எடுத்துள்ள இந்தத் தீர்மானம் சமூக ஆர்வலர்களால் பாராட்டப்பட்டு வருகின்றது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

147 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

137 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

131 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

129 0 0