உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

தெற்காசியாவின் சிங்கப்பூராக மாற இந்தியாவுடனான உறவு மிக அவசியம்.!

இலங்கை செய்திகள் 7 மாதங்கள் முன்
56 பார்வைகள்

“இலங்கை தற்போது எதிர்கொண்டுள்ள பொருளாதார நெருக்கடி மற்றும் எரிசக்தி பாதுகாப்பின்மையிலிருந்து மீண்டு, தெற்காசியாவின் ஒரு தளவாட மையமாக உருவெடுக்க வேண்டுமாயின், இந்தியாவுடனான உறவை மிகத்தெளிவான மூலோபாயத்துடன் கையாள வேண்டும்” என்று முன்னாள் அமைச்சரும் இராஜதந்திரியுமான மிலிந்த மொரகொட தெரிவித்தார்.

சர்வதேச ஊடகம் ஒன்றுக்கு வழங்கிய ஆய்வு அறிக்கையிலேயே அவர் இதனை வலியுறுத்தினார்.

இரண்டாம் உலகப் போருக்குப் பிறகு நெதர்லாந்து ஐரோப்பாவின் மையமாகவும், சிங்கப்பூர் தென்கிழக்கு ஆசியாவின் நுழைவாயிலாகவும் வளர்ந்தமையைச் சுட்டிக்காட்டிய அவர், இலங்கை அத்தகைய வாய்ப்புகளை இதுவரை பயன்படுத்தத் தவறியுள்ளது என்றும் குறிப்பிட்டார். உள்நாட்டு அரசியல் மற்றும் வெளிநாட்டு ஈடுபாடுகள் குறித்த தேவையற்ற அச்சமே இதற்குக் காரணம் என்றும் அவர் சாடினார்.

அவர் மேலும் குறிப்பிடுகையில்,
“இலங்கையின் வடமேற்கில் உள்ள 15 ஆயிரம் மெகாவாட் காற்றாலை மின்சக்தி ஆற்றலைப் பயன்படுத்தி, இந்தியாவுக்கு மின்சாரத்தை ஏற்றுமதி செய்வது நாட்டின் பொருளாதாரத்தை முற்றாக மாற்றியமைக்கும்.

திருகோணமலை எண்ணெய் தாங்கிகளை அபிவிருத்தி செய்து, இலங்கையைப் பிராந்திய எரிசக்தி மையமாக மாற்றுவது நீண்டகால மூலோபாயத் தேவையாகும்.

கொழும்பு துறைமுக வர்த்தகத்தில் 50 சதவீத இந்தியாவுடன் தொடர்புடையது. இந்தியா தனது சொந்த துறைமுகங்களை விரிவுபடுத்துவதால், இலங்கை தனது போட்டித்தன்மையைத் தக்கவைக்க வடக்கு துறைமுக விரிவாக்கத் திட்டங்களை விரைவுபடுத்த வேண்டும்.

இந்திய சுற்றுலாப் பயணிகளை ஈர்க்கும் வகையில் இலங்கையை ஒரு ‘புதிய கோவா’ போன்று மாற்றியமைக்க வேண்டும்.

இந்தியா மற்றும் ஜப்பான் பங்களிப்புடன் கட்டுநாயக்க விமான நிலையத்தை நவீனப்படுத்த வேண்டும்.

1998 சுதந்திர வர்த்தக ஒப்பந்தம் மற்றும் 2003 திருகோணமலை எண்ணெய் தாங்கித் திட்டங்களில் ஏற்பட்ட தாமதங்கள் மற்றும் சம்பூர், மன்னார் காற்றாலைத் திட்டங்கள் இரத்துச் செய்யப்பட்டமை ஆகியவை நாட்டின் பொருளாதார வளர்ச்சிக்குத் தடையாக இருந்தது.

இலங்கை சிறிய நாடு என்ற தயக்கத்தைக் கைவிட்டு இந்தியாவை ஒரு வாய்ப்பாகக் கருத வேண்டும். அதேநேரம், இந்தியா ஒரு பெரிய நாடு என்ற வகையில் திட்டங்களை விரைவாகச் செயல்படுத்தி, இலங்கையின் தேவைகளுக்கு அதிக உணர்திறனுடன் (Sensitivity) செயற்பட வேண்டும். இந்த அச்சங்களைக் கடந்தால் மட்டுமே இலங்கை தெற்காசியாவின் சிங்கப்பூராகவோ அல்லது நெதர்லாந்தாகவோ மாற முடியும்.” – என்று மிலிந்த மொரகொட மேலும் தெரிவித்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

147 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

137 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

130 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

129 0 0