உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

ஈஸ்டர் தாக்குதலுக்கு கட்டாயம் நீதி வேண்டும்.!

இலங்கை செய்திகள் 7 மாதங்கள் முன்
128 பார்வைகள்

“உயிர்த்த ஞாயிறு தாக்குதலில் பாதிக்கப்பட்ட மக்களுக்குத் தார்மீக ஆதரவை வழங்குவதோடு, குற்றவாளிகளுக்கு மரண தண்டனை உள்ளிட்ட அதியுச்ச தண்டனை பெற்றுக்கொடுக்க எடுக்கப்படும் முயற்சிகளுக்கு நிபந்தனையற்ற ஆதரவை வழங்குவோம்” என்று அகில இலங்கைத் தமிழ்க் காங்கிரஸ் தலைவர் கஜேந்திரகுமார் பொன்னம்பலம் எம்.பி. தெரிவித்தார்.

ஈஸ்டர் தாக்குதலின் 7ஆம் ஆண்டு நினைவு தினத்தை முன்னிட்டு கொழும்பில் இன்று நடைபெற்ற ஊடகவியலாளர் சந்திப்பிலேயே அவர் இவ்வாறு குறிப்பிட்டார்.

இந்தக் கொடூர செயலால் பாதிக்கப்பட்ட குடும்பங்களுக்குத் தனது ஆழ்ந்த இரங்கலைத் தெரிவித்த அவர், தாக்குதலின் பின்னாலுள்ள உண்மை கண்டறியப்படாமல் இருப்பது நாட்டுக்கே தோல்வி என்று சுட்டிக்காட்டினார். உண்மையான குற்றவாளிகளைச் சட்டத்தின் முன் நிறுத்த அரசு தவறினாலும், அதற்காகப் போராடும் ஏனைய தரப்புகளுடன் இணைந்து நிற்கத் தமது கட்சி தயாராக இருப்பதாகவும் அவர் உறுதியளித்தார்.

தற்போதைய அரசின் செயற்பாடுகள் குறித்தும் அவர் விமர்சனங்களை முன்வைத்தார்.

“அரசு ஆட்சிக்கு வந்து ஒரு வருடத்துக்கு மேலாகியும், தமிழ் மக்களுக்கு வழங்கிய எந்தவொரு வாக்குறுதியும் நிறைவேற்றப்படவில்லை.

ஜனாதிபதி செய்ய முடிந்த காரியங்களைச் செய்ய வேண்டும், முடியாதவற்றை முடியாது என்று மக்களிடம் வெளிப்படையாகக் கூற வேண்டும்.” – என்றார் அவர்.

தமிழ் மக்களின் அரசியல் அபிலாஷைகள் குறித்து அவர் கருத்துத் தெரிவிக்கையில்,
“நாட்டைப் பிரிக்காமல் தமிழ் மக்களின் அரசியல் உரிமைகளை உறுதிப்படுத்த முடியும் என்பதே எமது நிலைப்பாடு. அதற்காக நாம் முன்வைக்கும் சமஷ்டி கோரிக்கையை ஒருபோதும் கைவிடப்போவதில்லை. இந்தியாவுடனான பேச்சுகளின் போதும் எமது இந்த நிலைப்பாட்டைத் தெளிவுபடுத்தியுள்ளோம்.” – என்றார்.

மாகாண சபைத் தேர்தலை நடத்துவதற்கு அரசு அச்சப்படுவதாகச் சாடிய கஜேந்திரகுமார் பொன்னம்பலம், ஒற்றையாட்சி முறைமையின் கீழ் அதிகாரத்தைப் பகிர்ந்து வழங்க அரசு தயாராக இல்லை என்றும் குறிப்பிட்டார்.

மாகாண ஆளுநர்களைக் கொண்டு முன்னெடுக்கப்படும் தற்போதைய செயற்பாடுகள் இதனை உறுதிப்படுத்துவதாகவும், மாகாண சபை முறைமையின் ஊடாகத் தமிழ் மக்கள் எதனையும் எதிர்பார்க்க முடியாது என்றும் அவர் தனது ஊடகச் சந்திப்பில் மேலும் தெரிவித்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

139 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

129 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

127 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

127 0 0