உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

மத்திய கிழக்கு போரைச் சாட்டி மக்களை ஏமாற்றவே வேண்டாம்.!

இலங்கை செய்திகள் 8 மாதங்கள் முன்
134 பார்வைகள்

“மின்சாரக் கட்டணத்தைச் சடுதியாக அதிகரித்ததன் மூலம் தற்போதைய அரசாங்கம் நாட்டு மக்களைச் சொல்லொணாத் துயரத்திற்கு உள்ளாக்கியுள்ளது” என்று ஐக்கிய மக்கள் சக்தியின் தேசிய அமைப்பாளர் திஸ்ஸ அத்தநாயக்க தெரிவித்தார்.

எதுல்கோட்டையிலுள்ள கட்சியின் தலைமைப் பணிமனையில் நேற்று நடைபெற்ற ஊடகவியலாளர் சந்திப்பில் கலந்துகொண்டு கருத்துத் தெரிவிக்கையிலேயே அவர் இதனைக் குறிப்பிட்டார்.

அவர் மேலும் தெரிவிக்கையில்,
“நாட்டின் 6.7 மில்லியன் மின் நுகர்வோரில் சுமார் 5.2 மில்லியன் பேர் இந்த மின்கட்டண அதிகரிப்பால் நேரடியாகப் பாதிக்கப்பட்டுள்ளனர். தேர்தலுக்கு முன்னர் மின்சார சபையின் ஊழல்களைத் தடுத்து, கட்டணத்தை 33 வீதத்தால் குறைப்பதாக உறுதியளித்த அரசாங்கம், இன்று அதற்கு மாறாக 40 வீதத்தால் கட்டணத்தை அதிகரித்துள்ளது. இது நடுத்தர மற்றும் குறைந்த வருமானம் பெறுவோர் மீது சுமத்தப்பட்ட பாரிய பொருளாதாரப் பாதிப்பாகும்.

மத்திய கிழக்கு போர்ச் சூழலால் மின்கட்டணத்தை அதிகரிக்க நேரிட்டதாக அரசாங்கம் கூறும் காரணத்தை நாம் நிராகரிக்கின்றோம். நுரைச்சோலை மின் உற்பத்தி நிலையத்திற்குத் தரமற்ற நிலக்கரியைக் கொண்டு வந்தமையே இந்த நெருக்கடிக்கு உண்மையான காரணமாகும். இதனால் 150 மெகாவோட் மின்சாரம் தேசிய கட்டமைப்புக்கு இழக்கப்பட்டுள்ளது. இந்த இழப்பை ஈடுகட்ட அதிக விலைக்கு டீசல் மூலம் மின்சாரத்தைக் கொள்வனவு செய்யும் நட்டத்தையே தற்போது மக்கள் மீது அரசாங்கம் சுமத்தியுள்ளது.

உலகளாவிய நெருக்கடிகளின் போது ஏனைய நாடுகள் மக்களுக்கு வரிச் சலுகைகளை வழங்குகின்றன. ஆனால், இலங்கை அரசாங்கம் ஒரு லீற்றர் பெற்றோலுக்கு 115 ரூபாவையும், டீசலுக்கு 91 ரூபாவையும் வரியாக அறவிடுகின்றது. எரிபொருள் விலையில் மூன்றில் ஒரு பகுதியை வரியாகப் பெற்றுக்கொண்டு, தனியார் நிறுவனங்களைப் பாதுகாப்பதற்காக அந்த வரிகளைக் குறைக்க அரசாங்கம் மறுத்து வருகின்றது.

அரசாங்கம் குறுகிய காலத்தில் 1.4 பில்லியன் டொலர் கடனைப் பெற்றுள்ள போதிலும், அதனால் மக்களுக்கோ அல்லது நாட்டின் பொருளாதாரத்திற்கோ எந்தப் பயனும் கிடைக்கவில்லை. அரசாங்கத்தின் இந்த இயலாமை காரணமாக 2026 மற்றும் 2027 ஆண்டுகளில் நாடு இன்னும் பாரிய பொருளாதார நெருக்கடிக்கு முகம் கொடுக்க நேரிடும்.” – என்று திஸ்ஸ அத்தநாயக்க எச்சரிக்கை விடுத்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

இந்தியா – இலங்கை நட்புறவு மற்றும் பரஸ்பர புரிந்துணர்வை வலுப்படுத்தும் நோக்கில் ‘மைத்திரி சேது யாத்திரை 2027’

இந்தியா மற்றும் இலங்கைக்கு இடையிலான நீண்டகால நட்புறவு, பரஸ்பர புரிந்துணர்வு மற்றும் ஒத்துழைப்பை இளைய தலைமுறையினூடாக மேலும் வலுப்படுத்தும் நோக்கில் முன்னெடுக்கப்பட்ட இந்தியா – இலங்கை தேசிய…

118 0 0
இலங்கை செய்திகள்

ஜனாசா எரிப்பு விவகாரத்தில் ஏற்பட்ட அரசியல் அதிருப்தியே தனித்த கட்சி உருவாகக் காரணம் – காதர் மஸ்தான்

ஜனாசா எரிப்பு விவகாரத்தில் ஏற்பட்ட அரசியல் அதிருப்தி உள்ளிட்ட பல்வேறு காரணங்களே தனித்த அரசியல் கட்சியை உருவாக்க வேண்டிய சூழலை ஏற்படுத்தியதாக முன்னாள் இராஜாங்க அமைச்சர் காதர்…

126 0 0
இலங்கை செய்திகள்

ஹட்டன் நகரில் தொடர் கொள்ளை!

இன்று காலை (22) ஹட்டன் நகரில் உள்ள பின் சாலையில் அமைந்துள்ள 4 கடைகளில் திருடன் புகுந்துள்ளதாக ஹட்டன் காவல்துறை தெரிவித்துள்ளது. தங்கப் பொருட்கள் தயாரிக்கும் 3…

118 0 0
இலங்கை செய்திகள்

மல்வத்தை கோர விபத்து: தீவிர சிகிச்சை பெற்று வந்த மற்றைய இளைஞரும் உயி@ரிழப்பு!

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் கடந்த வெள்ளிக்கிழமை (20) மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

129 0 0