மத்திய கிழக்கில் இடம்பெற்று வரும் போரினால் உலகளவில் மேலும் 4.5 கோடி பேர் கடும் பட்டினிச் சூழலுக்குத் தள்ளப்படக்கூடும் என உலக உணவுத் திட்டம் எச்சரிக்கை விடுத்துள்ளது.நேற்று ஜெனீவாவில் ஊடகவியலாளர்களிடம் உலக உணவுத் திட்டத்தின் பிரதி நிறைவேற்றுப் பணிப்பாளர் கார்ல் ஸ்காவ் இதனை தெரிவித்துள்ளார்.கடந்த பெப்ரவரி இறுதியில் போர் ஆரம்பமானது முதல், மசகு எண்ணெய் விலை அதிகரிப்பு மற்றும் கப்பல் போக்குவரத்துப் பாதைகள் மாற்றப்பட்டதன் காரணமாக, உலக உணவுத் திட்டத்தின் போக்குவரத்துச் செலவுகள் 18 சதவீதத்தால் அதிகரித்துள்ளன.
மேலும், மனிதாபிமான உதவிகளை ஏற்றிச் செல்லும் முக்கிய கடல்வழிப் பாதைகள் தடைசெய்யப்பட்டுள்ளதால், உலகின் பல பகுதிகளில் வறுமைக்கோட்டிற்கு கீழ் வாழும் மக்களுக்கு உணவு வழங்கும் பணிகள் தாமதமடைந்துள்ளதாகவும் அவர் குறிப்பிட்டார்.
இதனுடன், சர்வதேச நன்கொடையாளர்கள் தமது நிதியை போர் மற்றும் பாதுகாப்புத் துறைகளுக்கு மாற்றியமைத்துள்ளதால், பட்டினி ஒழிப்புத் திட்டங்களுக்கு வழங்கப்படும் நிதியில் குறிப்பிடத்தக்க வீழ்ச்சி ஏற்பட்டுள்ளது.
தற்போது உலகளவில் சுமார் 31.9 கோடி பேர் கடும் பட்டினியால் பாதிக்கப்பட்டுள்ளதாகவும், போர் ஜூன் மாதம் வரை நீடித்தால் இந்த எண்ணிக்கை 36.4 கோடியாக அதிகரிக்கக்கூடும் என்றும் மதிப்பிடப்பட்டுள்ளது.இந்நிலை தொடர்ந்தால், மனித வரலாற்றிலேயே மிக மோசமானபட்டினிச் சூழல் உருவாகும் அபாயம் இருப்பதாக கார்ல் ஸ்காவ் எச்சரித்துள்ளார்.
