ஈராக் தலைநகர் பாக்தாத் அருகிலுள்ள சர்வதேச விமான நிலையத்தை குறிவைத்து நடத்தப்பட்ட ஏவுகணைத் தாக்குதலில் நால்வர் காயமடைந்துள்ளதாக ஈராக் பாதுகாப்புப் படையினர் தெரிவித்துள்ளனர்.இந்தத் தாக்குதலில் ஐந்து ஏவுகணைகள் குறித்த பகுதியில் விழுந்து வெடித்ததாகவும், அதன் விளைவாக விமான நிலையப் பணியாளர்கள் மற்றும் பாதுகாப்புப் படையினருக்கு காயங்கள் ஏற்பட்டதாகவும் தெரிவிக்கப்பட்டுள்ளது.
இந்தத் தாக்குதல்களை ஈரான் ஆதரவு ஆயுதக் குழுக்கள் மேற்கொண்டிருக்கலாம் என்ற சந்தேகமும் அதிகாரிகளால் வெளியிடப்பட்டுள்ளது.இதேவேளை, லெபனானின் தய்பே நகருக்கருகில் இஸ்ரேலியப் படையினரை இலக்காகக் கொண்டு தாக்குதல் நடத்தியதாக ஹிஸ்புல்லா அமைப்பு அறிவித்துள்ளது.
அத்துடன், இஸ்ரேல் – லெபனான்எல்லைப் பகுதியில் அமைந்துள்ள கிரியாத் ஷ்மோனா மற்றும் அவிவிம் நகரங்களையும் நோக்கி ஏவுகணைத் தாக்குதல்கள் நடத்தப்பட்டதாக தகவல்கள் தெரிவிக்கின்றன.இந்த தொடர்ச்சியான தாக்குதல்களால் மத்திய கிழக்கு பிராந்தியத்தில் பதற்றம் மேலும் அதிகரித்துள்ளதாக பாதுகாப்பு வட்டாரங்கள் குறிப்பிட்டுள்ளன.
