ஈரான் அரசாங்கம் போர் நிறுத்த உடன்படிக்கைக்கு விருப்பம் தெரிவித்திருந்தாலும், அமெரிக்க ஜனாதிபதி டொனால்ட் ட்ரம்ப் தெரிவித்ததாவது, தற்போதைய நிபந்தனைகள் திருப்திகரமாக இல்லாததால் இப்போதைக்கு அமைதி ஒப்பந்தம் செய்யப்படவிருப்பதில்லை.
ட்ரம்ப், ஈரானின் முக்கிய எண்ணெய் முனையமான கார்க் தீவு மீது மேற்கொள்ளப்பட்ட தாக்குதல்களை குறித்தும், “நாங்கள் அத்தீவை முற்றாக அழித்துவிட்டோம். இன்னும் சில தடவைகள் தாக்குதல் நடக்கும்” என கூறியுள்ளார். மேலும், ஈரானின் ட்ரோன் மற்றும் ஏவுகணை உற்பத்தித் தளங்கள் இரண்டு நாள்களுக்குள் முழுமையாகத் துடைக்கப்படும் என்றும் அவர் தெரிவித்தார்.
ஈரான் புதிய உச்ச தலைவர் மொஜ்தபா காமேனி உயிருடன் இருக்கிறாரா என்பது தொடர்பில் சந்தேகம் உள்ளதாகவும், தகவல்கள் இன்னும் உறுதிப்படுத்தப்படவில்லை என்றும் ட்ரம்ப் தெரிவித்துள்ளார்.அமெரிக்க அதிபர் உலக சந்தையில்மசகு எண்ணெய் விலை அதிகரிப்பைப் பற்றி கவலைப்பட தேவையில்லை என்றும், ஹோமுஸ் நீரிணையை பாதுகாக்க சீனா, பிரான்ஸ், ஜப்பான் ஆகிய நாடுகளுடன் இணைந்து நடவடிக்கை எடுப்பதாகவும் உறுதி செய்துள்ளார்.
தற்போது அமெரிக்காவில் பெட்ரோல் விலை ஒரு கலன் 3.66 டொலராக உயர்ந்துள்ளதையடுத்து, போரின் முடிவின் பின்னர் அது முன்னைய நிலைக்கு மீண்டும் குறையும் என ட்ரம்ப் உறுதிப்படுத்தியுள்ளார்.இதேபோல், உக்ரேன் போரின் தொடர்பிலும், ரஷ்யா மீதான தடைகளை தற்காலிகமாக நீக்குவதை நியாயப்படுத்தியுள்ளார்.
மேலும், உக்ரேன் ஜனாதிபதி ஜெலென்ஸ்கி வழங்கிய உதவியை நிராகரித்து, “எமக்கு ஜெலென்ஸ்கியின் உதவி தேவையில்லை” என தெரிவித்துள்ளார்.ட்ரம்ப், சவூதி அரேபியா, ஐக்கிய அரபு அமீரகம் மற்றும் கட்டார் ஆகிய நாடுகள் தேவையற்ற முறையில் ஈரானால் தாக்கப்பட்டுள்ளதாகக் கூறப்பட்ட போதிலும், அமெரிக்கா தொடர்ந்து ஆதரவளிக்கும் என்றும் தெரிவித்துள்ளார்.
