இங்கிலாந்து – அயர்லாந்து உச்சி மாநாட்டிற்கு முன்னதாக புதிய முதலீட்டு திட்டம் அறிவிப்பு.!
இங்கிலாந்தில் 900 மில்லியன் பவுண்ட்ஸுக்கும் அதிகமான புதிய ஐரிஷ் முதலீட்டு திட்டம் அறிவிக்கப்பட்டுள்ளது.
937 மில்லியன் பவுண்ட்ஸ் பெறுமதியான இந்த முதலீட்டு திட்டம் சுமார் 850 புதிய வேலைவாய்ப்புகளை உருவாக்கும் என இங்கிலாந்து பிரதமர் சர் கீர் ஸ்டார்மர் தெரிவித்தார்.
இதில் வடக்கு அயர்லாந்துக்கும் அயர்லாந்துக்கும் இடையிலான எரிசக்தி இணைப்புத் திட்டமும் அடங்கியுள்ளது. இங்கிலாந்து அரசு கூறுவதாவது, இது எல்லையின் இருபுறமும் மின்சாரச் செலவுகளை குறைக்க உதவும்.
மேலும், வேல்ஸ் மற்றும் அயர்லாந்தை இணைக்கும் தனி எரிசக்தி இணைப்புத் திட்டம் சுமார் 570,000 வீடுகளுக்கு போதுமான மின்சாரத்தை வழங்கும் என்று எதிர்பார்க்கப்படுகிறது.
இதனுடன் லண்டன், டான்காஸ்டர், சவுத் வேல்ஸ் மற்றும் ஸ்கொட்லாந்து ஆகிய பகுதிகளும் இந்த முதலீட்டுத் திட்டத்தின் மூலம் பயனடையவுள்ளதாகவும், இங்கிலாந்து முழுவதும் உள்ள சமூகங்களுக்கு கணிசமான வேலைவாய்ப்புகள் உருவாகவுள்ளதாகவும் கூறப்படுகிறது.
