டி20 உலகக் கிண்ணத்தில் இலங்கை அணியில் மூன்றாவது மாற்றமாக, உபாதைக்கு உள்ளான மதீஷ பதிரணவுக்கு பதிலாக இடது கை வேகப்பந்து வீச்சாளர் டில்ஷான் மதுஷங்க உத்தியோகபூர்வமாக இணைக்கப்பட்டுள்ளார். அவுஸ்திரேலியாவுக்கு எதிரான குழுநிலைப் போட்டியின்போதே பதிரணவின் கெண்டைக்கால் பகுதியில் உபாதை ஏற்பட்டது. மருத்துவர்களின் ஆலோசனைப்படி, அவர் உடல் தகுதி பெற பல வாரங்கள் தேவை என்பதால், அவர் டி20 உலகக் கிண்ணத்தில் இருந்து நீக்கப்பட்டார்.
25 வயதான மதுஷங்க இதுவரை இலங்கை சார்பில் 15 டி20 போட்டிகளில் 15 விக்கெட்டுகளை வீழ்த்தியுள்ளார். ஆனால் அண்மைக் காலத்தில் உபாதை காரணமாக அவர் தொடர்ச்சியாக அணியில் இடம் பெற முடியவில்லை. முன்பே, டி20 உலகக் கிண்ணம் ஆரம்பிக்கும் முன்னரே வேகப்பந்து வீச்சாளர் எஷான் மாலிங்கும் உபாதையால் அணியிலிருந்து நீக்கப்பட்டார்; அவருக்கு பதிலாக பிரமோத் மதுஷான் இணைக்கப்பட்டார். தொடர்ந்தும், காயத்துக்கு உள்ளானவனிந்து ஹசரங்கவுக்கு பதிலாக துஷான் ஹேமந்த் அழைக்கப்பட்டுள்ளார்.
