கிரீன்லாந்து விவகாரம் தீவிரம்: அமெரிக்க கருத்துக்கிடையில் டென்மார்க் மன்னர் பயணம்.!

அமெரிக்க ஜனாதிபதி டொனால்ட் ட்ரம்ப், கிரீன்லாந்தை அமெரிக்காவுடன் இணைக்க வேண்டும் என வலியுறுத்தி வரும் நிலையில், அந்தத் தீவு மக்களுடன் ஒற்றுமையை வெளிப்படுத்தும் நோக்கில் டென்மார்க் மன்னர் பிரெடெரிக் அங்கு பயணம் மேற்கொண்டுள்ளார்.
ஐரோப்பிய நாடான டென்மார்க் அரசின் கீழ் தன்னாட்சி உரிமையுடன் இயங்கும் பிராந்தியம் கிரீன்லாந்து ஆகும்.

\உலகிலேயே பரப்பளவில் மிகப்பெரிய தீவாகக் கருதப்படும் இது புவியியல் அமைப்பில் வட அமெரிக்கக் கண்டத்துடன் தொடர்புடையதாக அமைந்துள்ளது.தேசிய பாதுகாப்பை காரணமாக முன்வைத்து, கிரீன்லாந்தை அமெரிக்காவுடன் இணைப்பது அவசியம் என அமெரிக்க ஜனாதிபதி தொடர்ந்து வாதித்து வருகிறார்.இந்நிலையில், கிரீன்லாந்தின் தலைநகரமான நுக் நகருக்கு டென்மார்க் மன்னர் விஜயம் மேற்கொண்டுள்ளார். கடந்த ஓராண்டிற்குள் அவர் மேற்கொள்ளும் இரண்டாவது பயணம் இதுவாகும்.