உள்ளடக்கத்திற்குச் செல்க
நவம்பர் 2026
19 வியாழன்
4210 பேர் இப்போது பார்க்கின்றனர்

அரசியல் பழிவாங்கல்களையும் தொழிற்சங்க அடக்குமுறைகளையும் உடனடியாக நிறுத்துக!

இலங்கை செய்திகள் 3 மணி நேரம் முன்
136 பார்வைகள்

அநுர அரசு முன்னெடுத்து வரும் அரசியல் பழிவாங்கல்களையும், தொழிற்சங்க அடக்குமுறைகளையும் உடனடியாக நிறுத்த வேண்டும் என்று ஐக்கிய மக்கள் சக்தியின் பொதுச்செயலாளர் ரஞ்சித் மத்தும பண்டார வலியுறுத்தினார்.

கொழும்பில் இன்று புதன்கிழமை நடைபெற்ற ஊடகவியலாளர் மாநாட்டில் கலந்துகொண்டு கருத்துத் வெளியிடுகையிலேயே அவர் மேற்கண்டவாறு குறிப்பிட்டார்.

அவர் மேலும் தெரிவிக்கையில்,

“தொழிற்சங்கத் தலைவர் ஆனந்த பாலித எவ்வித ஊழலோ, மோசடியோ செய்யவில்லை. அவர் சட்டபூர்வமாகவே தனது உரிமைகளைப் பெற்றுள்ளார். ஆனால், அரசின் ஊழல், மோசடிகளையும், பெற்றோலியக் கூட்டுத்தாபனத்தின் முறைகேடுகளையும் தொடர்ச்சியாக அம்பலப்படுத்தியமையாலேயே, அரசியல் பழிவாங்கல் நோக்கத்துடன் அவர் கைது செய்யப்பட்டுள்ளார். அவ்வாறு அவர் தவறு இழைத்திருந்தால், அவருக்குப் பணம் வழங்கிய உயர் அதிகாரிகளையும் கைது செய்திருக்க வேண்டும்.

அரசின் மீதான மக்கள் செல்வாக்கு நாளுக்கு நாள் சரிவடைந்து வருவதால், இவ்வாறான அடக்குமுறைகளை அரசு கையாளுகின்றது. பயங்கரவாதத்திலிருந்து அரசைப் பாதுகாக்கும் சட்டம் மற்றும் ஒழுங்கமைக்கப்பட்ட குற்றங்களைத் தடுக்கும் சட்டம் ஆகியவற்றை அரசு கொண்டுவரவுள்ளது. இந்தச் சட்டங்கள் நடைமுறைக்கு வந்தால் தொழிற்சங்க அடக்குமுறைகள் மேலும் தீவிரமடையும். இதற்கு நாம் முழுமையாக எதிர்ப்புத் தெரிவிக்கின்றோம்.

மக்களின் வாழ்க்கைச் செலவு உச்சத்தை எட்டியுள்ளதுடன், அத்தியாவசியப் பொருள்களின் விலைகளும் பஸ் கட்டணங்களும் அதிகரித்துள்ளன. உலக வங்கி மற்றும் சர்வதேச நாணய நிதியத்தின் அறிக்கைகளின்படி நாட்டில் வறுமை நிலை அதிகரித்துள்ளது. ஆனால், வரவு – செலவுத் திட்டத்தின் ஊடாக மக்களுக்கு நிவாரணம் வழங்குவதாகக் கூறி அரசு வெறும் இலக்க வித்தையை மாத்திரமே காட்டுகின்றது.

அரச ஊழியர்களை இந்த அரசு ஏமாற்றியுள்ளது. நல்லாட்சி அரசின் காலத்தில் அரச ஊழியர்களின் அடிப்படைச் சம்பளத்தை நாம் 107 சதவீதத்தால் அதிகரித்தோம். ஆனால், தற்போதைய அரசு சொற்பத் தொகையை மாத்திரம் அதிகரித்துள்ளதால், அபிவிருத்தி உத்தியோகத்தர்கள் மற்றும் பொறியியலாளர்கள் உள்ளிட்ட அரச ஊழியர்கள் இன்று வீதிக்கு இறங்கிப் போராடுகின்றனர்.” – என்றார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

மாலதி நினைவேந்தல் நிகழ்வு : முன்னாள் எம்.பி. கஜேந்திரன் பொலிஸ் விசாரணைக்கு அழைப்பு!

தமிழ்த் தேசிய மக்கள் முன்னணியின் பொதுச்செயலாளரும் முன்னாள் நாடாளுமன்ற உறுப்பினருமான செல்வராசா கஜேந்திரனுக்கு, கோப்பாய் பகுதியில் தமிழீழ விடுதலைப் புலிகள் அமைப்பின் முதல் பெண் மாவீரரான இரண்டாம்…

126 0 0
இலங்கை செய்திகள்

வாழ்க்கைச் செலவுக்கு நிவாரணம் என்று நம்பியிருந்த மக்களுக்கு ஏமாற்றமே மிஞ்சியுள்ளது!

அரசு முன்வைத்துள்ள வரவு – செலவுத் திட்டத்தில் மக்களின் வாழ்க்கைச் செலவுக்கு நிவாரணம் கிடைக்கும் என எதிர்பார்த்த போதும், மக்களுக்கு ஏமாற்றமே ஏற்பட்டுள்ளது என்று ஸ்ரீலங்கா முஸ்லிம்…

117 0 0
இலங்கை செய்திகள்

வாழ்க்கைச் செலவுக் கொடுப்பனவை 25 ஆயிரத்தால் உயர்த்துமாறு கோரிக்கை

அரசின் வரவு – செலவுத் திட்டத்தில் உழைக்கும் மக்களுக்கு உரிய நிவாரணங்கள் வழங்கப்படாத நிலையில், அரச மற்றும் தனியார் துறைகளில் பணியாற்றும் ஊழியர்களின் வாழ்க்கைச் செலவுக் கொடுப்பனவை…

126 0 0
இலங்கை செய்திகள்

பங்களாதேஷிற்கு விஜயம் செய்யுமாறு ஜனாதிபதி அநுரகுமாரவுக்கு அழைப்பு!

இலங்கைக்கும் பங்களாதேஷுக்கும் இடையிலான நீண்டகால நட்புறவை மேலும் வலுப்படுத்தும் நோக்கில், பங்களாதேஷிற்கு அரச விஜயத்தை மேற்கொள்ளுமாறு அந்நாட்டுப் பிரதமர் தாரிக் ரஹ்மானினால் ஜனாதிபதி அநுரகுமார திஸாநாயக்கவுக்கு விடுக்கப்பட்ட…

116 0 0