தேசிய உற்பத்தித் திறன் விருதுகள் வழங்கும் நிகழ்வு; மன்னார் மாவட்ட பொது வைத்தியசாலை இரண்டாம் இடம்.!

2025/2026 ஆம் ஆண்டுக்கான தேசிய உற்பத்தித் திறன் விருதுகள் வழங்கும் நிகழ்வு நேற்று ஞாயிற்றுக்கிழமை (08.11.2026) கொழும்பு, பண்டாரநாயக்க ஞாபகார்த்த சர்வதேச மாநாட்டு மண்டபத்தில் (BMICH) நடைபெற்றது.

இதன்போது, தேசிய மட்டத்தில் நடைபெற்ற மதிப்பீட்டில் மன்னார் மாவட்ட பொது வைத்தியசாலை இரண்டாம் இடத்தைப் பெற்று விருதைப் பெற்றுக் கொண்டுள்ளது.

ஜனாதிபதி அநுரகுமார திசாநாயக்க கலந்துகொண்ட இந்நிகழ்வில், மன்னார் மாவட்ட பொது வைத்தியசாலையின் சார்பில் அதன் நிர்வாகத்தினர் மற்றும் உத்தியோகத்தர்கள் விருதைப் பெற்றுக் கொண்டனர்.

வைத்தியசாலையின் நிர்வாகச் செயற்பாடுகள், உற்பத்தித்திறன் மேம்பாடு, சேவைத் தரம் மற்றும் வளங்களை வினைத்திறனுடன் பயன்படுத்துதல் உள்ளிட்ட விடயங்களில் முன்னெடுக்கப்பட்ட நடவடிக்கைகளுக்கான அங்கீகாரமாக இந்த விருது வழங்கப்பட்டுள்ளது.

இந்தச் சாதனையானது மன்னார் மாவட்ட பொது வைத்தியசாலையின் மருத்துவ மற்றும் நிர்வாகப் பணியாளர்களின் கூட்டு முயற்சிக்கு கிடைத்துள்ள தேசிய அங்கீகாரமாக அமைந்துள்ளது.

தேசிய மட்டத்தில் கிடைத்துள்ள இந்த இரண்டாம் இடம், மன்னார் மாவட்டத்திற்கும் வைத்தியசாலைச் சமூகத்திற்கும் பெருமை சேர்த்துள்ளது.