மலர்ந்துள்ள தீபத் திருநாளை முன்னிட்டு நாடளாவிய ரீதியில் உள்ள பல ஆலயங்களில் விசேட பூஜைகள் இன்று(08) காலை முதல் சிறப்பாக இடம்பெற்றது.
அந்த வகையில், மன்னார் மாவட்டத்தில் உள்ள இந்து ஆலயங்களில் தீபாவளி சிறப்பு பூஜைகள் இடம் பெற்றதோடு, பாரம்பரிய சமய அனுஷ்டானங்கள் மேற்கொண்டு தீபாவளியைக் கொண்டாடி வருகின்றனர்.
அதிகாலையில் எழுந்த மக்கள் பாரம்பரிய முறைப்படி எண்ணெய் தேய்த்து நீராடி, புத்தாடைகள் அணிந்து தமது குடும்பத்தினருடன் அருகே உள்ள இந்து ஆலயங்களுக்குச் சென்று விசேட பூஜை வழிபாடுகளில் ஈடுபட்டனர்.
இதன் ஒரு பகுதியாக மன்னார் திருக்கேதீஸ்வர ஆலயத்தில் விசேட பூஜைகள் இன்று(08) காலை முதல் சிறப்பாக இடம்பெற்றது. ஆலய பிரதம குரு கருணாநந்த குருக்கள் தலைமையில் தீபாவளி விசேட பூஜை இடம்பெற்றது.
இதன் போது பெருமளவில் பக்தர்கள் கலந்து கொண்டனர்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
