உள்ளடக்கத்திற்குச் செல்க
நவம்பர் 2026
17 செவ்வாய்
4210 பேர் இப்போது பார்க்கின்றனர்

இந்தியாவுக்கு எதிரான இறுதி இருபதுக்கு 20 போட்டியை 7 விக்கெட்டுக்கள் வித்தியாசத்தில் கைப்பற்றியது நியூசிலாந்து அணி

131 பார்வைகள்

இந்திய அணிக்கு எதிரான 5ஆவதும் இறுதியுமான இருபதுக்கு 20 கிரிக்கெட் போட்டியில் நியூசிலாந்து அணி 7 விக்கெட்டுகள் வித்தியாசத்தில் வெற்றி பெற்றுள்ளது.


இருப்பினும், 5 போட்டிகள் கொண்ட இத்தொடரை 3-2 என்ற கணக்கில் இந்திய அணி கைப்பற்றியுள்ளது.


நியூசிலாந்துக்கு விஜயம் செய்துள்ள இந்திய கிரிக்கெட் அணி, 5 போட்டிகள் கொண்ட இருபதுக்கு 20 மற்றும் ஒருநாள் சர்வதேச போட்டித் தொடர்களில் பங்கேற்று விளையாடி வருகிறது.


இந்தத் தொடரின் முதல் 3 போட்டிகளிலும் இந்திய அணி வெற்றி பெற்றுத் தொடரைக் கைப்பற்றியிருந்த நிலையில், 4ஆவது போட்டியில் நியூசிலாந்து அணி வெற்றி பெற்றிருந்தது.


இந்நிலையில், இரு அணிகளுக்கும் இடையிலான 5ஆவதும் இறுதியுமான போட்டி ஹமில்டனில் இன்று நடைபெற்றது.


இந்த போட்டியின் நாணய சுழற்சியில் வெற்றி பெற்ற நியூசிலாந்து அணி முதலில் களத்தடுப்பைத் தேர்வு செய்தது.


இதன்படி முதலில் துடுப்பெடுத்தாடிய இந்திய அணி, நிர்ணயிக்கப்பட்ட 20 ஓவர்கள் முடிவில் 8 விக்கெட்டுகளை இழந்து 191 ஓட்டங்களை பெற்றது. இந்திய அணி சார்பில் அணியின் தலைவர் ஸ்ரேயாஸ் ஐயர் (50) மற்றும் இஷான் கிஷன் (61) ஆகியோர் அரைசதங்களைப் பெற்றுக் கொடுத்தனர்.


192 ஓட்டங்கள் என்ற வெற்றி இலக்குடன் பதிலுக்குத் துடுப்பெடுத்தாடிய நியூசிலாந்து அணிக்கு, தொடக்க ஆட்டக்காரர் டிம் சேஃபர்ட் (Tim Seifert) அதிரடி ஆட்டத்தை வெளிப்படுத்தி 50 பந்துகளில் 93 ஓட்டங்களை குவித்தார்.


அவருக்கு ஈடுகொடுத்து ஆடிய க்ளென் பிலிப்ஸ் (Glenn Phillips) 38 பந்துகளில் 65 ஓட்டங்களையும், டேரில் மிட்செல் (Daryl Mitchell) 16 பந்துகளில் 29 ஓட்டங்களையும் பெற்றனர்.


இதன் மூலம் நியூசிலாந்து அணி 18 ஓவர்களில் 3 விக்கெட்டுகளை மட்டுமே இழந்து 195 ஓட்டங்களைப் பெற்று வெற்றி இலக்கை அடைந்தது.


இப்போட்டியில் நியூசிலாந்து அணி வெற்றி பெற்றபோதிலும், தொடரின் முதல் மூன்று போட்டிகளையும் வெற்றி கொண்ட இந்திய அணி தொடரைத் தன்வசப்படுத்தியது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

விளையாட்டுச் செய்திகள்

இலங்கை தேசிய கால்பந்தாட்ட அணியின் தலைவர் ஓய்வு!

இலங்கை தேசிய கால்பந்தாட்ட அணியின் தலைவரும் கோல் காப்பாளருமான சுஜான் பெரேரா சர்வதேச கால்பந்தாட்ட போட்டிகளில் இருந்து ஓய்வு பெறுவதாக அறிவித்துள்ளார். உடன் அமுலுக்கு வரும் வகையில்…

79 0 0
விளையாட்டுச் செய்திகள்

எனது வாழ்க்கையிலேயே மிகவும் அதிக செலவை ஏற்படுத்திய நட்பு விராட் கோலியுடனானது!

ஐபிஎல் தொடரில் ராயல் சேலஞ்சர்ஸ் பெங்களூரு அணியின் தலைவராக இருந்தபோது விராட் கோலி தனக்கு அளித்த ஆதரவு குறித்தும், இருவருக்கும் இடையே உருவான நட்பு குறித்தும் தென்…

73 0 0
விளையாட்டுச் செய்திகள்

ராஜஸ்தான் ராயல்ஸ் அணிக்குச் செல்லும் முகமது ஷமி!

ஐ.பி.எல். 2027 தொடருக்கு முன்னதாக வீரர்கள் பரிமாற்றத்தில் லக்னோ சூப்பர் ஜெயண்ட்ஸ் (LSG) மற்றும் ராஜஸ்தான் ராயல்ஸ் (RR) அணிகளுக்கு இடையே முக்கிய பேச்சுவார்த்தை நடைபெற்று வருகிறது.…

88 0 0
விளையாட்டுச் செய்திகள்

சாஃப் கால்பந்துத் தொடரின் இறுதிப் போட்டியில் இந்தியா-பாகிஸ்தான் அணிகள் பலப்பரீட்சை

பங்களாதேஷின் டாக்காவில் நடைபெற்று வரும் சாஃப் கால்பந்துத் தொடரின் இறுதிப் போட்டிக்கு இந்தியா மற்றும் பாகிஸ்தான் அணிகள் தகுதி பெற்றுள்ளன.  நேற்று (14) நடைபெற்ற முதலாவது அரையிறுதிப்…

79 0 0