“சட்டம் என்பது அனைவருக்கும் சமமானது. அதற்கு அனைவரும் விதிவிலக்கின்றி கட்டுப்பட வேண்டும். ஒவ்வொரு மதத்திற்கும் வெவ்வேறான ஆன்மீக மற்றும் கலாசார நடைமுறைகள் இருந்தாலும், நாட்டில் நிலவும் பொதுச் சட்டக் கட்டமைப்புக்கே அனைவரும் கீழ்ப்படிய வேண்டும். அந்தச் சட்டமே நாட்டில் உயரியது” என்று முன்னாள் இராணுவத் தளபதி பீல்ட் மார்ஷல் சரத் பொன்சேகா தெரிவித்தார்.
சிறைத்தண்டனை அனுபவித்து வரும் பொதுபலசேனா அமைப்பின் பொதுச்செயலாளர் கலகொட அத்தே ஞானசார தேரர் விவகாரம் குறித்தும், அவரை விடுவிக்க வலியுறுத்தி முன்னெடுக்கப்பட்டு வரும் போராட்டங்கள் தொடர்பிலும் ஊடகவியலாளர்கள் எழுப்பிய கேள்விக்குப் பதிலளிக்கும்போதே அவர் இவ்வாறு குறிப்பிட்டார்.
நாட்டின் சட்ட ஒழுங்கையும் பொது அமைதியையும் பாதுகாப்பதற்குத் தனிநபர்களை விடச் சட்டத்தின் ஆட்சியே முதன்மையானது என்பதை அவர் இதன்போது சுட்டிக்காட்டினார்.
