மத்திய மலைநாட்டில் நுவரெலியா மாவட்டத்தில் பல்வேறு பகுதிகளில் பெண்களை குறிவைத்து நுன் கடன் தருவதாக கூறி முற்பணம் வங்கியில் வைப்பிலிட கூறி நிதி மோசடி இடம்பெற்றுள்ளது.
இவ்வாறு பணம் பெற்றவரை மஸ்கெலியா பொலிஸார் கைது செய்து ஹட்டன் நீதிமன்றில் ஆஜர்படுத்திய போது சந்தேகநபரை எதிர்வரும் 21 ஆம் திகதி வரை விளக்கமறியலில் வைக்குமாறு நீதிவான் பணித்துள்ளார்.
சம்பவம் குறித்து மஸ்கெலியா பொலிஸ் நிலைய பொறுப்பதிகாரி எஸ்.எஸ்.புஷ்பகுமார தெரிவிக்கையில், மஸ்கெலியா நகரில் உள்ள ஆலய வீதியில் ரன் பிம எக்ரிகல்ச்சர் என்ற ஜெயக்குமார் சுரேந்திரன் ஓல்டீரீம் லிந்துல பகுதியைச் சேர்ந்தவர்.
இவர் பெண்களை குறிவைத்து விவசாய கடன் தருவதாக கூறி சாமிமலை பகுதியில் உள்ள மல்லியப்பு தோட்டத்தில் 10 பெண்களிடம் ஆறு இலட்சத்து இருபது ஆயிரம் ரூபாய் நிதி மோசடி செய்துள்ளார் என மஸ்கெலியா பொலிஸ் நிலையத்தில் புகார்கள் பதிவாகியதை தொடர்ந்து சந்தேக நபர் கைது செய்யப்பட்டு ஹட்டன் நீதிமன்றத்தில் ஆஜர்படுத்தப்பட்ட போது சந்தேக நபரை எதிர்வரும் 21 ஆம் திகதி வரை விளக்கமறியலில் வைக்குமாறு நீதிவான் பணித்துள்ளார்.
குறித்த நபர் மீது பத்துக்கு மேற்பட்ட முறைப்பாடுகள் பதிவாகி வருகிறது எனவும் அவை பற்றிய விரிவான விசாரணை நடைபெற்று வருவதாகவும் பொலிசார் தெரிவித்தனர்.
குறித்த நபர் பெண்களை குறிவைத்து விவசாய கடன் தருவதாக கூறி அவரது அல்லது அவரின் மனைவியின் வங்கி கணக்கில் ஒரு இலட்சம் ரூபாய் நிதியை வைப்பு செய்தால் ஜந்து இலட்சம் விவசாய கடன், ஐம்பதாயிரம் ரூபாய் வைப்பில் இட்டால் மூன்று இலட்சம் ரூபாய் விவசாய கடன் என்ற அடிப்படையில் இருவேறு பகுதியில் நிதி மோசடி செய்துள்ளார் என தெரியவந்துள்ளது.
ஆகையால் மஸ்கெலியா பிரதேச சபைக்கு உட்பட்ட பகுதிகளில் உள்ள அனைத்து மக்களும் மிகவும் அவதானமாக விழிப்புடன் இருக்குமாறு மஸ்கெலியா பொலிஸ் நிலைய பொறுப்பதிகாரி எஸ்.எஸ்.புஷ்பகுமார வேண்டுகோள் விடுத்துள்ளார்.
