கொ**லை சம்பவத்துடன் தொடர்புடைய சந்தேகநபர் கைது.!

இங்கிரிய, ஹந்தபாங்கொடை பகுதியில் இடம்பெற்ற தாக்குதல் சம்பவம் ஒன்றில் நபர் ஒருவர் உயிரிழந்தமை தொடர்பில் தேடப்பட்டு வந்த சந்தேகநபர் ஒருவர் இங்கிரிய பொலிஸாரால் கைது செய்யப்பட்டுள்ளார்.

ஒக்டோபர் 11 ஆம் திகதி இங்கிரிய, ஹந்தபாங்கொடைப் பகுதியில் இடம்பெற்ற தாக்குதலில் நபர் ஒருவர் உயிரிழந்ததாகக் கொழும்பு தேசிய வைத்தியசாலைப் பொலிஸ் நிலையத்திலிருந்து கிடைக்கப்பெற்ற புகாரின் அடிப்படையில் பொலிஸார் விசாரணைகளை ஆரம்பித்திருந்தனர்.

இதன்போது, புலனாய்வு அதிகாரிகளுக்குக் கிடைத்த தகவலுக்கு அமைவாக, இக்கொலைச் சம்பவத்துடன் தொடர்புடைய சந்தேகநபர் நேற்று புதன்கிழமை (14) இங்கிரியப் பொலிஸ் பிரிவிற்குட்பட்ட ஹந்தபாங்கொடைப் பகுதியில் கைது செய்யப்பட்டுள்ளார்.

கைது செய்யப்பட்ட சந்தேகநபர் கிரிவல, ஹந்தபாங்கொடைப் பகுதியைச் சேர்ந்த 45 வயதுடைய நபராவார்.

இந்தச் சம்பவம் தொடர்பில் இங்கிரியப் பொலிஸார் மேலதிக விசாரணைகளில் ஈடுபட்டு வருகின்றனர்.