கவுண்டி செம்பியன்ஷிப் போட்டிக்காக ஒப்பந்தம் செய்யப்பட்ட நியுசிலாந்து வீரர் ஸ்காட் குக்கலைன், ரசிகர்கள் மற்றும் ஊழியர்களின் கடும் எதிர்ப்பு காரணமாக ஹாம்ப்ஷயர் அணியிலிருந்து அதிரடியாக நீக்கப்பட்டுள்ளார்.
வார்விக்ஷயர் அணிக்கு எதிரான கவுண்டி போட்டிக்கான 15 பேர் கொண்ட அணியில் இடம்பெற்ற அடுத்த நாளே, சமூக வலைதளங்களில் கிளம்பிய கடுமையான எதிர்ப்பால் அவர் அணியிலிருந்து வெளியேற்றப்பட்டுள்ளார்.
2015 ஆம் ஆண்டு இவர் மீது சுமத்தப்பட்ட பாலியல் வன்கொடுமை குற்றச்சாட்டு மற்றும் அதன் வழக்கு விசாரணைகள் காரணமாகவே ரசிகர்கள் இவருக்கு எதிராகக் குரல் கொடுத்து வந்தனர்.
“எங்கள் ஊழியர்கள் மற்றும் ஆதரவாளர்களின் கருத்துக்களுக்கு மதிப்பளித்து, ஸ்காட் குக்கலைன் இனி ஹாம்ப்ஷயர் அணியைப் பிரதிநிதித்துவப்படுத்த மாட்டார் என்பதை உறுதிப்படுத்துகிறோம்” என கிளப் அதிகாரப்பூர்வமாக அறிவித்துள்ளது.
